Martın 5-də İsrailin Milli Təhlükəsizlik Şurasının strukturuna daxil olan Terrora qarşı Mübarizə Qərargahı israillilərə dünyanın 12 ölkəsinə səfər etməməyin tövsiyə olunduğu haqqında məlumat yayıb. Postsovet ölkələrindən yalnız Azərbaycan siyahıya daxil olub. Orada təhlükə “potensial” olaraq qiymətləndirilir və israillilərə xüsusi zərurət olmadan oraya getməmək tövsiyə olunur. Göründüyü kimi, söhbət “Hizbullah”ın israilliləri oğurlamaq cəhdləri ehtimalından gedir, deyə İzrus saytı bildirir.
Bu məlumatı Turan-a şərh edərkən İsrailin Bakıdakı səfirliyindən bildiriblər ki, məsələ ilə bağlı məlumatları yoxdur.
Xatırladaq ki, bir müddət əvvəl Azərbaycanda İsrail vətəndaşlarına və yəhudi təşkilatlarına qarşı terror aktları hazırlayan bir neçə silahlı qrup zərərsizləşdirilib. Bütün bu qruplar İran xüsusi xidmət orqanları ilə əlaqəlidir. -06D-
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz