![Jurnalist 200 manat cərimələnib](https://turan.az/resized/750/500/resize/media/2013/main/051100035853.jpg)
Jurnalist 200 manat cərimələnib
Şənbə günü İmişli Rayon Məhkəməsi “Azadlıq” radiosunun Azərbaycan xidmətinin bölgə müxbiri Azər Əlini inzibati qaydada 200 manat məbləğində cərimə edib.
Azərbaycan Xalq Cəbhəsinin yerli fəalı Vüqar Qədirov da bu cür cəzaya məruz qalıb.
Onlar mayın 10-da İmişlidə “Depo” kvartalı sakinlərinin aksiyası zamanı saxlanılıblar. Belə ki, sakinlər mal-qaranın otarılması üçün yerin olmamasından şikayətləniblər. Şəhərin paytaxtına 150 baş mal-qara çıxarılıb. Polis əməkdaşları İmişlidə Heydər Əliyev prospektində bu qeyri-adi yürüşün qarşısını alıblar, jurnalistlərin aksiya barədə çəkiliş aparmasına mane olublar.
Jurnalist A.Əli, fəal V.Qədirov və daha bir neçə nəfər 5 saat rayon polis şöbəsində saxlanılıb. Onları axşama yaxın buraxıblar, jurnalistə və müxalifətçiyə saat 15:00-da məhkəməyə gəlmək tapşırılıb.
Hər ikisinin hüquqlarını Bakıdan olan vəkil Anar Qasımlı müdafiə edib. O, Turan-ın müxbiri ilə söhbətində deyib ki, məhkəmə prosesi obyektiv aparılmayıb. Şahid qismində polis əməkdaşları çıxış ediblər ki, onlar da ziddiyyətli ifadələr veriblər.
A.Qasımlı bildirib ki, məhkəmə qərarından Apellyasiya Məhkəməsinə şikayət veriləcək.
O qeyd edib ki, “Azadlıq” radiosunun jurnalisti öz peşə fəaliyyətini yerinə yetirərkən hüquqları pozulub. —06D--
-
- Cəmiyyət
- 11 May 2013 15:34
-
- Söz istəyirəm
- 12 May 2013 00:29
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz