Jurnalistlər Gürcüstanda müsəlmanlarla xristianlar arasında münaqişəni araşdırmağa dəvət olunublar
Gürcüstanın media sahəsində “Go Group Media” qeyri-hökumət təşkilatı Qafqaz regionunda fəaliyyət göstərən jurnalistləri dördgünlük ekspedisiyaya dəvət edir. Məqsəd son vaxtlar Gürcüstanda müsəlmanlarla xristianlar arasında yaşanan gərginliyin araşdırılmasıdır.
Ekspedisiya çərçivəsində iki regiona səfər ediləcək: Məscid minarəsinin tikildiyi və sonradan söküldüyü, bununla da iki icmanın etiraz aksiyasının baş verdiyi Açara kəndi, həmçinin xristianlarla müsəlmanlar arasında toqquşmaların baş verdiyi Kvemo Kartli bölgəsi.
Jurnalistlər hadisə ilə yerində tanış olmaq, yerli sakinlərlə ünsiyyətdə olmaq, onları dinləmək, həmçinin ekspertlərlə və hakimiyyət nümayəndələri ilə söhbətləşmək imkanları əldə edəcəklər.
Jurnalist ekspedisiyası Finlandiyanın VİKES fondunun dəstəyilə təşkil olunacaq və sentyabrın 19-22-də baş tutacaq. Azərbaycan, Ermənistan, Gürcüstan və Şimali Qafqaz respublikalarından müsabiqə nəticəsində seçiləcək onlarla iştirakçı üçün səfər xərcləri (yol, mehmanxana, yemək) ödəniləcək.
Arzu edənlər aşağıdakı ünvana iş yerini və peşə təcrübəsini göstərməklə elektron məktub göndərə bilər:
maka.tsnobiladze@gogroupmedia.net
Ekspedisiya haqqında əlavə məlumatı “Go Group”un veb-səhifəsində əldə etmək olar: :www.gogroupmedia.net -0-
Siyasət
-
Möhkəm nəzarət olunan seçki mühitində Azərbaycanda keçirilən növbədənkənar parlament seçkiləri yerli vaxtla saat 19:00-da başa çatdı və günorta saatlarına qədər seçicilərin cəmi 34%-i səs verdi. Azərbaycanda seçki qanunlarında minimum seçici iştirak səviyyəsinin olmaması bu səviyyədə iştirakın nəticələrin qüvvədə sayılması üçün kifayət olduğunu göstərir.
-
Sentyabrın 1-də keçirilən növbədənkənar parlament seçkilərində Azərbaycan Prezidenti İlham Əliyevin rəhbəri olduğu Yeni Azərbaycan Partiyası (YAP) ekzit-poll nəticələrinə əsasən Milli Məclisdə yebidən mütləq çoxluğa malik olacaq.
-
Sentyabrın 1-də Azercell mobil operatorunun mobil interneti vasitəsilə naməlum səbəblərdən Turan agentliyinin saytına daxil olmaq mümkün deyil.
-
Məlimatda deyilir, ki 94 saylı Ucar seçki dairəsinin 2, 4, 9 cu seçki məntəüələrində “ karusel” əməliyyatını “onbaşı” və “yüzbaşı” lar həyata keçirir. Prosesə din xadimləri də cəlb edilib. “Karusel” əməliyyatına etraz edən Müsavat Partiyasının deputatlığa namizədi Zakir İsmayıl polislə hədələnib.
Rəy yaz