Jurnalistlərin qurultayı nəyi müzakirə edir?

Rəşid Behbudov adına Mahnı Teatrında Azərbaycan jurnalistlərinin 

VI qurultayı keçirilir. Qurultay başlamazdan öncə iştirakçılar Heydər Əliyevin və Azərbaycan mətbuatının banısı Həsən bəy Zərdabinin məzarına gül qoyublar, Qarabağda və öz yazılarına görə həlak olan jurnalistləri yad ediblər.

Qurultayın gündəliyinə Mətbuat Şurası sədrinin və Nəzarət-Təftiş Komissiyasının hesabatları, nizamnaməyə, jurnalistlərin Peşə Davranışı və Etika Məcəlləsinə dəyişikliyin edilməsi, MŞ rəhbərliyinə yeni seçkilər daxildir.

Prezident Administrasiyasının ictimai-siyasi şöbəsinin müdiri Əli Həsənov dövlət başçısının təbrik məktubunu oxuyub. Məktubda deyilir ki, ölkədə mətbuat azadlığına zəmanət verilib, dövlət jurnalistlərin sosial vəziyyətinin yaxşılaşdırılmasına, KİV-in maddi-texniki bazasının möhkəmləndirilməsinə  diqqət göstərir.

Öz növbəsində MŞ rəhbəri Əflatun Amaşov leykoz xəstəliyindən əziyyət çəkən jurnalist Nicat 

Dağların müalicəsi üçün görülən tədbirlərə görə ölkə prezidentinə və birinci xanıma təşəkkürünü bildirib. Həmçinin Ə.Amaşov jurnalistlər üçün mənzil tikintisinə görə ölkə rəhbərliyinə təşəkkürünü bildirib.

Ə.Amaşov hesabat məruzəsində Azərbaycanda mətbuat azadlığının inkişaf etdiyini, reket jurnalistikasına qarşı qətiyyətli mübarizənin aparıldığını, jurnalistlərin müdafiə olunduğunu bildirib.

Ə.Amaşov deyib ki, ölkədə öz peşə fəaliyyətinə görə həbs olunan jurnalist yoxdur. Lakin jurnalistlərin həbsi üçün hətta “nəzəri” imkanlar da aradan qaldırılmalı, diffamasiya haqqında qanun qəbul olunmalıdır. O bildirib ki, MŞ bundan sonra İnternet medianı əhatə etmək niyyətindədir. 

Qurultayda MŞ İdarə Heyətinin həqiqi  üzvlərinin sayının 15-dən 17-dək artırılması gözlənilir. Daha 5 “rezerv” üzv seçiləcək.

17 həqiqi üzvdən 8-i çap mətbuatından, 3-ü İnternet portalından, 6-ı ictimaiyyətdən seçiləcək. Səs vermək üçün qurultay iştirakçılarına İdarə Heyəti üzvlüyünə namizədlərin siyahısı olan bülletenlər paylanıb. Bülletenlərə 24 nəfər çap KİV-in, 18 ictimaiyyət və 9 nəfər İnternet media nümayəndəsinin adları daxil edilib.

Mətbuat Şurası 2003-cü ildə Avropa Şurasının dəstəyi ilə özünütənzimləyən media orqanı kimi yaradılıb. Lakin sonradan MŞ faktiki olaraq hakimiyyətin azad mətbuat problemini qaldırmağa, onu hökumətin təzyiqlərindən müdafiə etməyə qadir olmayan əlaltı qurumuna çevrilib. Bu səbəbdən də demək olar ki, bir çox müstəqil jurnalistlər və KİV MŞ-ni İdarə heyətinə daxil olmayib.–03C06-