Kamala Harris Ukrayna naminə sülh sammitində ABŞ-ı təmsil edəcək
ABŞ-ın vitse-prezidenti Kamala Harris və milli təhlükəsizlik üzrə müşavir Ceyk Sullivan Ukrayna naminə sülh sammitində iştirak etmək üçün gələn həftə İsveçrəyə gedəcəklər, Ağ Evdən bildiriblər.
"Vitse-prezident Ukraynanın suverenliyi, ərazi bütövlüyü və BMT Nizamnaməsinin prinsiplərinə əsaslanan ədalətli və davamlı sülhün təmin edilməsi üçün ABŞ administrasiyasının Ukraynanı dəstəkləməyə sadiq olduğunu vurğulayacaq", - vitse-prezidentin nümayəndəsi Kirsten Allen deyib.
Dövlət Departamentinin rəsmi nümayəndəsi Metyu Miller Turan-ın “Dövlət katibi Entoni Blinken İsveçrədə Harrisi müşayiət etmək niyyətindədirmi?” sualına cavabdan yayınıb.
Rusiya və Çinin sammiti pozmağa çalışmasına dair Ukrayna prezidentinin bəyanatına gəlincə, Miller deyib ki, Çin münaqişənin dayandırılmasında müsbət rol oynaya bilər. Lakin hazırda Çin Rusiyanın müdafiə-sənaye bazasının bərpasında iştirak edir.
"Biz bu hərəkətlərə etiraz etdiyimizi və bunda iştirak edənləri məsuliyyətə cəlb edəcəyimizi Çinə izah edirik", - Miller deyib.
Siyasət
-
İnsan Hüquqları Müdafiəçilərinin Müdafiəsi Rəsədxanası (OPHRD) azərbaycanlı hüquq müdafiəçisi Rüfət Səfərovun həbsini pisləyib və ona qarşı ittihamların dərhal ləğv edilərək sərbəst buraxılmasına çağırıb.
-
Dekabrın 21-də Müsavat Partiyasının qərargahında mərhum ictimai fəal Nərgiz Yaqublunun adına təsis olunmuş mükafatın təqdimatı keçirilib. Mükafat hazırda həbsdə olan "III Respublika Platforması"nın (Resplatforma) spikeri Akif Qurbanova təqdim olunub. Müsavat Partiyasının başqanı İsa Qəmbər Qurbanovun Azərbaycanda demokratik, cümhuriyyət dəyərlərinin bərqərar olması uğrunda apardığı ardıcıl mübarizəyə görə bu mükafata layiq olduğunu deyib.
-
Dövlət Departamentinin sözçüsü TURANa bildirib ki, Birləşmiş Ştatlar Gürcüstanda demokratiyanı sarsıtmaqda günahkar olan daha on məmura viza qadağası qoyacaq və bununla da onların ümumi sayı 100-dən çox olacaq.
-
Azərbaycan prezidenti İlham Əliyev Almaniyanın Maqdeburq şəhərində baş vermiş faciəli hadisə ilə əlaqədar prezident Frank-Valter Ştaynmayerə başsağlığı verib.
Rəy yaz