Azərbaycan qaz ixracını 24 milyard kubmetrə çatdıracaq və kiçik ölkələrə kömək edəcək

"Şahdəniz" layihəsinin reallaşması  ilə Azərbaycan ölkə daxilində qaz çatışmazlığını aradan qaldırıb və onu  qonşu ölkələrə və Avropaya ixrac etməyə başlayıb, -prezident İlham Əliyev bildirib.

“Bu il qaz ixracımız 24 milyard kubmetrdən çox olacaq. Bu gün Azərbaycan qazını səkkiz ölkə idxal edir", -dövlət başçısı iyunun 4-də Bakı Enerji Həftəsi çərçivəsində "Xəzər neft və qaz" və "Energetika və yaşıl enerji" beynəlxalq sərgisinin açılışında çıxış edərkən bildirib.

"Təchizatımızın coğrafiyası daha da genişlənəcək, biz bir sıra ölkə ilə fəal danışıqlar aparırıq", - o deyib.

Hazırda Azərbaycan işğaldan azad edilmiş Qarabağ və Şərqi Zəngəzur regionlarının potensialını nəzərə alaraq, yaşıl enerji və bərpa olunan enerji resursları sahəsində fəal layihələr həyata keçirir.

“Bu ərazilər azad edildikdən sonra biz 270 meqavat gücündə su- elektrik stansiyalarını istifadəyə verdik. Üç-beş il ərzində bu rəqəmi 500 meqavata çatdıracağıq. 1 gigavat bərpa olunan enerji 500 milyon kubmetr qaza qənaət edəcək. 2027-ci ilin sonuna qədər Azərbaycan 2 qiqavat bərpa olunan enerji Resursları alacaq və bu, yalnız başlanğıcdır", - Əliyev qeyd edib.

Qarşıdakı COP29 konfransına toxunan Əliyev qeyd edib ki, Azərbaycan iqlim dəyişikliyini, xüsusilə də hər il Xəzər dənizinin səviyyəsinin aşağı düşməsini hiss edir.

“Biz buna çox ciddi yanaşmalıyıq və yeni bəndlər, kollektorlar tikmək üçün mümkün olan hər şeyi edəcəyik", - Əliyev qeyd edib.

“Biz kiçik ada, inkişaf etməkdə olan dövlətlərlə də fəal işləyirik və onların dəstəklənməsi üçün xüsusi fond yaratmağı planlaşdırırıq. Əgər iqlim dəyişikliyi Azərbaycanda problemdirsə, bu ada dövlətlərdə onların mövcudluğunu təhdid edir", - dövlət başçısı əlavə edib.