![Açiq mənbələrdən foto.](https://turan.az/resized/media/2021/main/062800034935-750-500-resize.webp)
Açiq mənbələrdən foto.
Kanada təşkilatı Elçin Məmmədin azad edilməsinə çağırıb
Bakı/28.06.21/Turan: "Kanada jurnalistləri söz azadlığı uğrunda" təşkilatı Azərbaycan prezidenti İlham Əliyevə müraciət ünvanlayaraq jurnalist və hüquq müdafiəçisi Elçin Məmmədin həbsdə saxlanması ilə bağlı narahatlığını bildirib. Təşkilat Azərbaycan rəhbərliyini onun azad edilməsinə nail olmaq üçün müdaxilə etməyə çağırır.
Müəlliflər qeyd edirlər ki, Elçin Məmməd həbsdən sonra amansız rəftara məruz qalıb, onun səhhəti və təhlükəsizliyilə bağlı vəziyyət pisləşib.
"Nə qədər ki Elçin Məmməd həbsdədir, onun sağlamlığına və təhlükəsizliyinə dəyən ziyana görə məsuliyyət Azərbaycan hökumətinin üzərində qalacaq. Odur ki, sizin hökuməti Elçin Məmmədin mümkün qədər tez azadlığa buraxılması üçün müdaxilə etməyə çağırırıq”, - müraciətdə deyilir. Əks təqdirdə, bu, Məmmədə qarşı ittihamların siyasi motivli və əsassız olduğunun təsdiqi olacaq.
Elçin Məmmədin anası Rəhilə Məmmədli Turan-ın müxbiri ilə söhbətində deyib ki, onun oğlunu Penitensiar Xidmətin Müalicə müəssisəsindən 16 saylı koloniyaya qaytarıblar.
"Elçini lazımınca müayinə etməyiblər. Ancaq qaraciyər və böyrəyin ultrasəs müayinəsini ediblər, halbuki, prostat xəstəliyindən şikayət edir. Nə diaqnozun, nə də analizin nəticələrini ona verməyiblər, deyiblər ki, koloniyaya göndərəcəklər. Əgər onun ciddi problemi olmasaydı, huşunu itirməzdi", -ana deyib.
Eyni zamanda o bildirib ki, 16 saylı cəzaçəkmə müəssisəsində Elçin Məmmədin saxlanma şəraiti və onunla rəftar ilə bağlı şikayəti yoxdur.
Ana ümidvar olduğunu bildirib ki, iyulun 7-də Ali Məhkəmədə oğlunun şikayətinə baxılması zamanı ədalət bərpa olunacaq.
*"Kanada jurnalistləri söz azadlığı uğrunda" təşkilatı ifadə azadlığını müdafiə edən qeyri-kommersiya, qeyri-hokumət təşkilatıdır.
** Xatırladaq ki, 17 oktyabr 2020-ci ildə Sumqayıt Şəhər Məhkəməsi Elçin Məmmədi "oğurluq", "hərbi sursat və silahın qanunsuz saxlanması"nda təqsirli bilərək 4 il müddətinə azadlıqdan məhrum edib.
2020-ci ilin martında hüquq müdafiəçisi həbs edilib. Hüquqi yardım göstərdiyi qadın ondan şikayət edib. Bundan öncə həmin qadın criminal.az saytının redaktoru Anar Məmmədovdan şikayət edib.
Elçin Məmməd cinayət işini öz hüquq-müdafiə fəaliyyətilə əlaqələndirir. Beynəlxalq təşkilatlar - Amnesty International, PEN, FİACAT və digərləri Elçin Məmmədin həbsini pisləyiblər. Yerli hüquq müdafiəçiləri onu siyasi məhbus kimi tanıyıblar.—06B
-
- Siyasət
- 28 İyun 2021 12:29
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz