![Açiq mənbələrdən foto.](https://turan.az/resized/media/2023/main/101800068258-750-500-resize.webp)
Açiq mənbələrdən foto.
KİV: Bakı Samvel Babayan və Vitali Balasanyanla danışıqlardan imtina edib
Bakı/18.10.23/Turan: Sentyabrda Qarabağda tammiqyaslı hərbi əməliyyatlar zamanı Azərbaycan atəşkəslə bağlı iki keçmiş güc qurumu əməkdaşı – Samvel Babayan və Vitali Balasanyanla danışıqlar aparmaqdan imtina edib. Bu barədə oktyabrın 18-də Yerevanın "Joxovurd" nəşri öz mənbələrinə istinadən bildirib.
Məlumata görə, sentyabrın 19-da eskalasiya zamanı separatçıların lideri Samvel Şahramanyan Azərbaycan Dövlət Təhlükəsizliyi Xidmətinin müavinilə əlaqə saxlayıb. O, atəşi dayandırmağı və ermənilər tərəfindən əsas danışıqçı kimi Samvel Babayanla danışıqlara başlamağı təklif edib.
Nəşrin məlumatına görə, Azərbaycan tərəfi razılaşmayıb, “Babayanı yalançı və dezinformator adlandıraraq onu Ermənistana göndərməyi təklif edib”. Sonra Şahramanyan Vitali Balasanyanla danışmağı təklif edib, amma Bakı da buna razı olmayıb.
Sonda Azərbaycan bütün namizədləri rədd edərək bildirib ki, ancaq bir şey tələb edir, Dağlıq Qarabağın buraxılması haqqında bəyanatın imzalanmasını. Bundan sonra atəş dayandırılacaq. Nəticədə belə də olub, nəşr yazır.
Bu vəziyyətdə bir məsələ aydın olmur: niyə Bakı Azərbaycana qarşı aktiv savaşan və Azərbaycanın geniş ərazilərinin işğalında əli olan Babayan və Balasanyanın Qarabağdan getməsinə icazə verib? Birinci Qarabağ Müharibəsində Samvel Babayan Qarabağ qüvvələrinin komandanı olub. 1992-ci ildə Şuşanı işğal edən bölmələrdən birinə komandanlıq edib.
Vitali Balasanyanın Xocalının işğalında və Xocalı sakinlərinin kütləvi qətlində əli var. O, Ağdam tərəfdən xocalılıların köməyinə gedən azərbaycanlı qüvvələrin qarşısını almalı olan dəstəyə komandanlıq edib. Məhz Balasanyanın nəzarətində olan Əsgəran rayonu ərazisində yüzlərlə xocalılı kütləvi qətl edilib, əsir götürülüb. 02D
-
- Siyasət
- 18 Oktyabr 2023 18:03
Siyasət
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
-
Avqustun 30-da saat 22:55-ə yaxın Ermənistanın Metsamordakı Atom Elektrik Stansiyası ölkənin enerji sistemindən ayrılıb. Bu barədə Ermənistanın Ərazi İdarəetmə və İnfrastruktur Nazirliyi bildirib. Buna ildırım zərbəsi səbəb olub, nəticədə stansiyanın təhlükəsizlik sistemi stansiyanı təhlükəsiz dayanma rejiminə keçirib. Hazırda stansiyanın kollektivi onun yenidən işə salınması ilə məşğuldur.
Rəy yaz