![Açiq mənbələrdən foto.](https://turan.az/resized/media/2023/main/101800068260-750-500-resize.webp)
Açiq mənbələrdən foto.
Azərbaycan fələstinli qaçqınlara 1,6 milyon dollar ayırıb
Bakı/18.10.23/Turan: Oktyabrın 18-də Ciddə şəhərində keçirilən İslam Əməkdaşlıq Təşkilatı İcraiyyə Komitəsinin növbədənkənar nazirlər görüşündə Fələstin-İsrail münaqişə zonasında vəziyyət müzakirə olunur.
Görüşdə Azərbaycanın xarici işlər naziri Ceyhun Bayramov da iştirak edib. O, öz çıxışında deyib ki, Azərbaycan tərəfləri hərbi əməliyyatların dayandırılmasına və deeskalasiyaya çağırır.
O, dinc sakinlərin həyatına təhlükənin aradan qaldırılmasının, mülki və infrastruktur obyektlərinin, eləcə də müqəddəs yerlərin qorunmasının vacibliyini qeyd edib.
"Münaqişə zonasının genişlənməsinin mümkünlüyü barədə xəbərlər narahatlıq doğurur", - Bayramov qeyd edib.
İslam həmrəyliyinə hər zaman sadiq qalan Azərbaycanın Fələstin xalqının dövlətçilik mübarizəsini dəstəklədiyini qeyd edən nazir Azərbaycanın beynəlxalq hüquq normaları, habelə Birləşmiş Millətlər Təşkilatının müvafiq qətnamələrinə uyğun olaraq İsrail-Fələstin münaqişəsinin Şərqi Qüdsün Fələstin dövlətinin paytaxtı olması ilə iki dövlət prinsipi əsasında həllinə tərəfdar olduğunu qeyd edib.
Münaqişənin nəticələrinin aradan qaldırılması istiqamətində Azərbaycanın səylərindən danışan Bayramov bildirib ki, Azərbaycan fələstinli qaçqınlara dəstək məqsədilə Birləşmiş Millətlər Təşkilatının Yaxın Şərq Agentliyinə 1,6 milyon dollar ayırıb.
Azərbaycan bundan sonra da Fələstin probleminin beynəlxalq hüququn norma və prinsiplərinə uyğun şəkildə həllinə nail olmaq üçün səylərini davam etdirəcək, nazir deyib. 06В
-
- Siyasət
- 18 Oktyabr 2023 17:42
Siyasət
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
-
Avqustun 30-da saat 22:55-ə yaxın Ermənistanın Metsamordakı Atom Elektrik Stansiyası ölkənin enerji sistemindən ayrılıb. Bu barədə Ermənistanın Ərazi İdarəetmə və İnfrastruktur Nazirliyi bildirib. Buna ildırım zərbəsi səbəb olub, nəticədə stansiyanın təhlükəsizlik sistemi stansiyanı təhlükəsiz dayanma rejiminə keçirib. Hazırda stansiyanın kollektivi onun yenidən işə salınması ilə məşğuldur.
Rəy yaz