Bakı/20.12.19/Turan: ATƏT DTİHB missiyasının mətbuat nümayəndələrilə bugünkü görüşündə KİV sahəsində vəziyyət və Azərbaycanda seçkilərin işıqlandırılmasında onların rolu diqqət mərkəzində olub.
Jurnalistlər fevralın 9-na təyin edilmiş növbədənkənar parlament seçkiləri ərəfəsində KİV-in vəziyyəti barədə missiyanı məlumatlandırıblar.
Müstəqil jurnalist birliyi nümayəndələrinin fikrincə, ölkədə seçkilərin sərbəst işıqlandırılması üçün şərait, eyni zamanda namizədlərin KİV-ə çıxışı üçün bərabər imkanlar yoxdur.
KİV-in çoxu hökumətin nəzarəti altındadır və təbliğat funksiyasını yerinə yetirir. Uzun illərdir ki, hakimiyyətin kursunu dəstəkləməyən insanlara TV-nin yolu bağlıdır. Bütün bunlar seçkiqabağı kampaniya üçün qeyri-bərabər şərait yaradır.
Bununla yanaşı informasiya resurslarının və sosial şəbəkələrin sürətli inkişafı yeni vəziyyət yaradır. Bu gün əsas ictimai-siyasi mübarizə və auditoriyanın fəallığı sosial şəbəkələrdə yer alıb ki, bu da namizədlərə təşviqat aparmağa imkan verir.
Görüşdə Turan agentliyi, “Meydan” TV, “Azadlıq” qəzetinin nümayəndələri və araşdırmaçı jurnalist Xədicə İsmayıl iştirak ediblər. -0—
Siyasət
-
Dekabrın 28-də fəal Bəxtiyar Hacıyevin işi üzrə prosesdə dövlət ittihamçısı onun 11 il azadlıqdan məhrumetmə cəzasına məhkum edilməsini istəyib. Müdafiə tərəfi bununla razı deyil və fəala bəraət verilməsində israr etmək niyyətindədir. Növbəti iclas yanvarın 6-na təyin edilib.
-
Dekabrın 25-də AZAL-a məxsus təyyarə qəzasını araşdırmaq üçün türkiyəli ekspertlərdən ibarət istintaq qrupu Bakıya gəlib.
-
Cümə günü Birləşmiş Ştatlar demokratiya xələl gətirdiyinə görə gürcü milyarder Bidzina İvanişviliyə - ölkənin faktiki liderinə qarşı sanksiyalar tətbiq edib. Sanksiyalar İvanişviliyə məxsus olan bütün Amerika aktivlərini dondurur, bu barədə cümə günü ABŞ Dövlət Departamentinin və Maliyyə Nazirliyinin nümayəndələri jurnalistlərə bildiriblər. Yeni tədbirlərlə İvanişviliyə məxsus olan qurumların iştirakı ilə həyata keçirilən tranzaksiyalar da dayandırılacaq. Xəbəri Turan-ın müxbiri verib. Dövlət katibi Entoni Blinken bildirib ki, İvanişvili və onun partiyası "Gürcüstanın Avroatlantik gələcəyinə mane olaraq" onu "Gürcüstan ərazisinin 20 faizindən çoxunu işğal altında saxlamaqda davam edən" Rusiya qarşısında müdafiəsiz qoyub.
-
Çeçenistan, Baki-Qroznı marşrutu üzrə hərəkət edən Embraer 190 təyyarəsinin qəzaya uğraması ilə əlaqədar 28 dekabr tarixində matəm günü elan edəcək. Çeçen lideri Ramzan Kadırov tərəfindən imzalanmış fərman yerli "Çeçenya Today" xəbər agentliyi tərəfindən bildirilib.
Rəy yaz