![Korrupsiya milli təhlükəsizlik üçün qorxunc miqyas alıb - ADR](https://turan.az/resized/media/2019/main/020200016532-750-500-resize.webp)
Korrupsiya milli təhlükəsizlik üçün qorxunc miqyas alıb - ADR
Bakı/02.02.19/Turan: Demokratiya və Rifah uğrunda Hərəkat (ADR) Transparency İnternational tərəfindən yayılmış Korrupsiya Qavrama İndeksi-2018-ə münasibətini əks etdirən sənəd yayıb. Bu indeksdə əsasən Azərbaycan korrupsiya səviyyəsinə görə dünyanın 180 ölkəsi arasında 152-ci yeri tutub və dünyanın ən çox korrupsiyalaşmış 28 ölkəsindən biri olub.
Azərbaycan 100 mümkün baldan cəmi 25 bal yığıb, bu da 2017-ci ildəkindən 6 bal azdır. Ölkə 122-ci yerdən 152-ci yerə geriləyib.
Bu zaman Gürcüstan KQİ-2018-də 41-ci, Ermənistan 105-ci yeri tutub, RF və İran 138-ci yeri bölüşürlər.
Postsovet ölkələri arasında Azərbaycan Tacikistanla eyni səviyyədədir və yalnız Türkmənistan və Özbəkistandan irəlidədir.
Azərbaycanın mövqeyinin kəskin şəkildə pisləşməsi hesabat tərtibatçıları tərəfindən çirkli pulların yuyulması qalmaqalı - "Azərbaycan landromatı" ilə, habelə media və vətəndaş cəmiyyətinin vəziyyətinin pisləşməsi ilə izah olunur.
KQİ-də Azərbaycan Kamerun, Madaqaskar, Nikaraqua və Tacikistanla birlikdə 152-156-cı yerləri tutur.
ADR Azərbaycanın KQİ-də yerinin 30-35 bənd geriləməsi ilə bağlı narahatlığını bildirir. Çünki bu, Qarabağ probleminin həlli, milli təhlükəsizlik, yoxsulluğun azaldılması və ümumilikdə ölkənin gələcəyi və inkişafı üçün təhlükə yaradır, deyə bəyanatda bildirilir.
Bundan başqa, vəziyyət yaxşılaşmasa, KQİ-də aşağı reytinq ölkədən kapital axınına, xarici investisiyaların azalmasına, turistlərin sayının azalmasına, ölkənin kredit reytinqinin azalmasına gətirib çıxaracaq, Dünya Bankının və digər beynəlxalq maliyyə müəssisələrinin və institutlarının Azərbaycan üzrə qiymətləndirmə hesabatlarına mənfi təsir göstərəcək.
ADR Nazirlər Kabinetinin buraxılmasını, korrupsiyaya qarşı real mübarizə aparmaq iqtidarında olan sağlam, islahatçı komandanın formalaşdırılmasını zəruri sayır.
Həmçinin, təcili olaraq gəlir və əmlak bəyannaməsi mexanizminin işlənib hazırlanmasının, maraqların münaqişəsinin qarşısının alınması haqqında qanunun və Rəqabət Məcəlləsinin, "Korrupsiya haqqında məlumat verənlərin müdafiəsi haqqında" qanunun, Dövlət məmurlarının əxlaq kodeksi"nin tətbiqi üzərində nəzarət gücləndirilməl, ictimai resurslardan istifadəyə görə hesabatlılığın və şəffaflığın artırılması, ən əsası isə, ədliyyə və məhkəmələrin müstəqilliyinin təmin edilməsinin əhəmiyyəti vurğulanır.
Bundan başqa, hüquq-mühafizə orqanları yerli və xarici mediada dərc edilmiş korrupsiya faktlarını təcili araşdırmalı, müxalifət partiyalarının, müstəqil vətəndaş cəmiyyəti və media institutlarının fəaliyyəti üçün normal şərait yaratmalı, toplaşmaq azadlığı ilə bağlı məhdudiyyətləri aradan qaldırmalı, siyasi məhbusları azad etməlidir.
ADR 2015-ci ildə dahi iqtisadçı-alim Qubad İbadoğlunun rəhbərliyi altında yaradılıb. -06D-
-
- Siyasət
- 2 Fevral 2019 14:29
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz