Açiq mənbələrdən foto.
Bakı/08.10.22/Turan: Şənbə günü səhər saat 6-da Krım yarımadasını Rusiya ilə birləşdirən Krım körpüsündə iki partlayış baş verib. Sosial şəbəkələrdə yayılan videokadrlarda sisternləri olan dəmiryol qatarı yanır. Bundan başqa, dəmir yoluna paralel keçən avtomobil yollarının dağıldığı görünür.
Rusiya tərəfi körpünün fəaliyyət göstərmədiyini və Krımla əlaqənin kəsildiyini etiraf edib.
Avtomobil yolunun dağıdılmasının səbəbləri açıqlanmır. Dəmir yoluna gəlincə, yanğına səbəb kimi "içində yanacaq olan sisternlərdən birinin alışması" göstərilir.
Şahidlərin sözlərinə görə, iki güclü partlayış eşidilib. Bir neçə kilometr məsafədə yerləşən evlərin pəncərələri qırılıb.
Ukraynanın teleqram kanalları iki partlayış törədildiyini bildirir. Partlayıcı maddə dəmir yolu qatarına və körpüdən keçən avtomobillərdən birinə yerləşdirilib.
19 kilometrlik Krım körpüsünün bağlanması Krımın özündə yerləşən və Ukraynanın cənubunda (Herson) döyüş əməliyyatları həyata keçirən Rusiya SQ-nin təchizatı üçün ciddi problem yaradır. 02B
Siyasət
-
Bakıda keçirilən BMT-nin İqlim Dəyişikliyi üzrə Çərçivə Konvensiyasının (UNFCCC) 29-cu sessiyası üzrə danışıqlar 24 noyabr tarixinə qədər uzadılıb. Bu barədə UNFCCC Katibliyindən bir mənbə Turan informasiya agentliyinə məlumat verib. Mənbənin sözlərinə görə, iştirakçılar həmin tarixə qədər yekun sənədləri razılaşdırıb imzalamağı planlaşdırırlar.
-
Türkiyənin “Sabah” qəzetinin məlumatına görə, İstanbul prokurorluğunun Qaçaqmalçılığa Qarşı Mübarizə İdarəsinin əməkdaşları Azərbaycan vətəndaşını böyük miqdarda qızılla saxlayıblar.
-
Noyabrın 22-də Ermənistanın baş naziri Nikol Paşinyan İctimai TV-yə müsahibəsində Azərbaycanla sülh müqaviləsi üzrə danışıqlara toxunub.
-
Almaniyanın xarici işlər naziri Annalena Berbok noyabrın 22-də axşam Turan agentliyinin ofisində Azərbaycanın vətəndaş cəmiyyətinin nümayəndələri ilə görüş keçirib.
Rəy yaz