Kristof Ştrasserin missiyası başa çatdı
“Qətnamə layihəsi üzrə bugünki səsvermə ilə mənim missiyam başa çatdı”. AŞPA məruzəçisi Kristof Ştrasser AŞPA-da Azərbaycanda siyasi məhbuslarla bağlı məruzəsinin qəbul edilməməsini belə şərh edib. Xəbəri Turan-ın Strasburqdakı xüsusi müxbiri verib.
“Bu səsvermənin nəticələri təkcə mənim məğlubiyyətim deyil, həm də Assambleyanın hüquqi məsələlər və insan hüquqları komitəsinin və bütünlükdə Assambleyanın məğlubiyyətidir”, deyə Ştrasser bildirib.
“Axı Azərbaycanda siyasi məhbusların mövcudluğu faktdır. Amma bir çox digər deputatlar məruzəmin əleyhinə çıxıblar”, deyə o əlavə edib.
O, Monitorinq Komitəsinin məruzəçisi Aqramuntun bəyanatını xüsusi qeyd edib. “Aqramunt Azərbaycanda siyasi məhbusların azad ediləcəyini bildirib. Bilmirəm nəyə əsasən belə deyib”, deyə Ştrasser bildirib.
O, həbs edilmiş jurnalistlərin və fəalların konkret adlarının göstərildiyi məruzənin qəbul edilməməsindən təəssüfünü bildirib.
Ştrasser bildirib ki, hesabatın hazırlanmasında ona Azərbaycandan iki vəkil kömək edib. Həmçinin o, müxtəlif QHT-lərin məlumatlarından istifadə edib.
O, həmçinin bildirib ki, iş prosesində ona təzyiq göstərilib.
“Mənə təzyiq göstərilirdi, elektron məktublar göndərilirdi. Hətta Azərbaycanın Berlindəki səfirliyindən belə məktublar gəlirdi. Hətta partiyamın sədrinə guya mənim partiyanın yaxşı üzvü olmadığım barədə məktub göndərilib. Rusiyalı deputatların demokratik azadlıqların və insan hüquqlarının birbaşa pozuntusu idi, onlar insan hüquqlarının tapdanmasına bəraət qazandırırdılar. Bəlkə də xüsusi məruzəçi qismində fəaliyyət göstərdiyim dörd il ərzində mənim də səhvlərim olub. Bəlkə də ona görə belə nəticə alınıb”, deyə Ştrasser bildirib.
Qeyd edək ki, Ştrasserin məruzəsinin qəbul edilməməsinə baxmayaraq, siyasi məhbuslar siyahısına salınmış 85 nəfərin təxminən üçdə biri prezidentin əfv sərəncamı ilə azad edilib və ya vaxtından əvvəl şərti azadlığa buraxılıb. Siyahıdakı bəzi şəxslər cəza müddətinin başa çatması ilə əlaqədar azadlığa çıxıb. -04C06-
-
- Siyasət
- 24 Yanvar 2013 01:45
Siyasət
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
-
Avqustun 30-da saat 22:55-ə yaxın Ermənistanın Metsamordakı Atom Elektrik Stansiyası ölkənin enerji sistemindən ayrılıb. Bu barədə Ermənistanın Ərazi İdarəetmə və İnfrastruktur Nazirliyi bildirib. Buna ildırım zərbəsi səbəb olub, nəticədə stansiyanın təhlükəsizlik sistemi stansiyanı təhlükəsiz dayanma rejiminə keçirib. Hazırda stansiyanın kollektivi onun yenidən işə salınması ilə məşğuldur.
Rəy yaz