Lavrov: “Bakı və Yerevan ölkələr arasında avtomobil yolu marşrutunun razılaşdırılmasını başa çatdırırlar”

Bakı/09.06.22/Turan:  Baş nazirin müavinləri səviyyəsində üçtərəfli işçi qrupu Ermənistan və Azərbaycan arasında avtomobil marşrutunun razılaşdırılmasını başa çatdırır. Bunu cümə axşamı Yerevanda Rusiyanın xarici işlər naziri Sergey Lavrov bildirib.

"Bildiyiniz kimi, dəmir yolu marşrutu razılaşdırılıb, indi avtomobil  marşrutu və müəyyən ediləcək rejimlə bağlı razılaşma tamamlanmaq üzrədir. Rejim sadələşdiriləcək, lakin Ermənistan ərazisinin suverenliyinin tanınmasına əsaslanacaq",-  Lavrov deyib. Onun sözlərinə görə, erməni və azərbaycanlı həmkarlar məhz bundan çıxış edirlər.

Öz növbəsində Ermənistanın xarici işlər naziri Ararat Mirzoyan qeyd edib ki, proses işgüzar atmosferdə gedir, tərəflər bir çox məsələlərdə razılığa gəliblər. Əsasən onlar bütün yolların ərazisində yerləşdikləri ölkələrin suverenliyi çərçivəsində qaldığını və fəaliyyət göstərdiyini tanıyırlar. Amma tərəflərin fərqli mövqe tutduğu bir çox detallar var. Lakin o əmindir ki, sonunda qarşılıqlı məqbul qərarların veriləcək.

Tərəflərin münaqişənin yekun həlli üzrə danışıqlarına toxunan Lavrov qeyd edib ki, tərəflər regionda kommunikasiyaların açılması istiqamətində irəliləyir.

"Münasibətlərin tam normallaşdırılmasından başqa yol yoxdur. Şərti sülh müqaviləsi Azərbaycanın təkliflərinə əsaslanır və Ermənistan buna cavab olaraq öz baxışını təqdim edib.

Öz növbəsində, Rusiya vasitəçi və məsləhətçi kimi iştirak etməyə hazırdır, Lavrov fikrini yekunlaşdırıb. 02D