Mark Libbi: Regionda davamlı və ləyaqətli sülh üçün birlikdə çalışacağıq
Bakı/08.12.23/Turan: ABŞ-nin Azərbaycana yeni təyin olunan səfiri Mark Libbi ölkəsinin regionda davamlı sülh üçün çalışacağını bildirib.
Yeni səfirin videomüracətində deyilir ki, ABŞ-nin Azərbaycanda 11-ci səfiri kimi fəalliyyət göstərməyə başlamağı səbirsizliklə gözləyir.
"ABŞ Xarici xidmətinin karyera üzvü kimi mənim əvvəlki xidmətlərim Brüsseldə Avropa İttifaqındakı missiyasında Polşa, Kipr, Baham adaları və İraqda olub. Mən həmçinin Vaşinqtonda illər boyu çalışmışam. Əslən ABŞ-ın Şimal Şərqindəki Nyu-İnqlənd bölgəsindənəm. Həyat yoldaşımla Bakıda yaşamağı səbirsizliklə gözləyirəm. Oğlumuz ABŞ-dadir, o, Azərbaycana səyahət edib və buranın gözəl yerlərini görmək istəyir", səfir qeyd edib.
Mark Libbi vurğulayıb ki, ABŞ səfirliyi Azərbaycanı 1991-ci ildə, müstəqillik əldə etdikdən sonra dəstəkləyir.
"Bu son 32 il ərzində heyrətamiz dəyişikliklərin şahidi olmuşuq. Ümid edirəm ki, biz bu regionda olduğumuz müddətdə davamlı və ləyaqətli sülh üçün birlikdə çalışacağıq, Azərbaycanın daha da inkişaf etdiyini, regionda və dünyada daha da mühüm rol oynamaqda davam etdiyini görəcəyik. Burada olduğum müddətdə Bakını gəzmək, onun əzəmətli yerlərini, tarixi keçmişi olan İçəri şəhəri, Heydər Əliyev Mərkəzinin gözəl müasir memarlığını görmək şansım oldu. Mən bu yerləri daha yaxından tanımağa, daha çox yerlər görməyi və milli təamlar dadmağı arzu edirəm. Artıq, dadlı Azərbaycan dolmasını və plovunu dadmışam. Xahiş edirəm başqa dadlı Azərbaycan yeməklərini mənə məsləhət görün. Azərbaycanı daha yaxından tanımaq üçün təkliflərinizi gözləyirəm", səfir bildirib.-03-
Siyasət
-
Azərbaycan bu həftə Fransada keçirilən Fransızofoniya Sammitindən sonra Ermənistana təxribatçı hərəkətlərdən çəkinməyə və ya normallaşma prosesini tamamlamaq, ya da qarşıdurma yolunu seçmək arasında qərar verməyə çağırıb.
-
Milli Məclisin 43 deputatı xarici işlər naziri Ceyhun Bayramova müraciət edərək, ABŞ-la münasibətlərə yenidən baxılması və müdafiə sahəsində əməkdaşlığa dair sazişlərin denonsasiyası çağırışı ilə çıxış edib.
-
Prezident İlham Əliyev 2024-2025-ci tədris ilində Azərbaycan Respublikasının ali təhsil müəssisələrinə daxil olan tələbələrə prezident təqaüdlərinin verilməsi haqqında sərəncam imzalayıb.
-
Oktyabrın 4-də Azərbaycanın Rusiyada yeni fövqəladə və səlahiyyətli səfiri Rəhman Mustafayev Rusiya xarici işlər naziri Sergey Lavrov tərəfindən qəbul edilib.
Rəy yaz