Bu gün Bakı Ağır Cinayətlər Məhkəməsində hakim Azər Orucovun sədrliyi ilə "Tolışi sado” qəzetinin redaktoru Hilal Məmmədovun dövlətə xəyanət və milli, irqi, sosial və ya dini nifrət və düşmənçiliyin salınması maddəsi üzrə məhkəmə prosesi davam etdirilib.
Vəkil Xalid Bağırovun Turan-a bildirib ki, prosesdə yuxarıda sadalanan maddələr üzrə şahid ifadələri başa çatıb. Sübutların araşdırılması mərhələsində vəsatət qaldırılaraq linqvistik və məhkəmə-texniki rəylərlə bağlı İlhamə Quliyevanın, Almaz Bayramovanın, Məmməd Ramazanovun məhkəməyə dəvət edilməsi istənilib.
Hakim vəsatəti qəbul edib. Məhkəmə aprelin 17-də qapalı davam edəcək.
Vəkil onu da əlavə edib ki, H.Məmmədova irəli sürülmüş 283.2.2-ci maddə (milli, irqi, sosial və ya dini nifrət və düşmənçiliyin salınması) üzrə Media Hüququ İnstitutu geniş alternativ rəy verib. Belə ki, rəydə H. Məmmədovun müsahibələri, məqalələri, ittiham üzrə çıxışları tədqiq edilib.
Avropa Konvensiyasının 10-cu maddəsi (ifadə azadlığı) və Konstitusiyanın 47-ci maddəsi ilə bağlı hüquqları təsbit olunub.
MHİ belə qənaətə gəlib ki, onun müsahibə və çıxışlarında heç bir milli, irqi, sosial və ya dini nifrət və düşmənçilik salınmayıb.
Bu gün eyni zamanda məhkəmə binasını qoruyan polis jurnalistlərin həmin ərazidə müsahibə almasına icazə verməyib. Adının çəkilməsini istəməyən polis jurnalistlərə "həmin ərazidə çəkiliş aparmaq" olmaz deyib çəkilişə müdaxilə edib.
Vəkil X.Bağırov da polisə öz etirazını bildirib. Lakin polis bundan sonra da vəkilə içəri girməyə icazə verməyib.
Hilal Məmmədov iyunun 21-də həbs olunub. O, Cinayət Məcəlləsinin 274-cü (dövlətə xəyanət), 283.2.2-ci (milli, irqi, sosial və ya dini nifrət və düşmənçiliyin salınması) və 234.4.3-cü (qanunsuz olaraq külli miqdarda narkotik vasitələri əldə etmə, saxlama və satma) maddələri ilə təqsirləndirilir. Lakin beynəlxalq birlik və hüquq müdafiəçiləri onu vicdan məhbusu hesab edirlər. Dövlətə xəyanətlə bağlı uydurma ittihamdan istifadə edən hakimiyyət prosesi qapalı keçirir. -16C-
Siyasət
-
Azərbaycan "Sputnik-Azərbaycan" və BBC News Azərbaycanca redaksiyalarının işini məhdudlaşdıracaq. Bu barədə fevralın 13-də hökumətyönlü KİV məlumatlı mənbəyə istinadən bildirib.
-
2025-ci ildə Rusiyada miqrasiya siyasəti sahəsində qanunvericilik sərtləşdirilib. Yeniliklərdən biri də əcnəbilərin vizasız qalma müddətinin 180 gündən 90 günə endirilməsidir.
-
Fevralın 13-də Azərbaycanın xarici işlər naziri Ceyhun Bayramov 61-ci Münhen Təhlükəsizlik Konfransında iştirak etmək üçün Almaniya Federativ Respublikasına işgüzar səfərə gedib.
-
Fevralın 12-də Azərbaycan Haaqada yerləşən Daimi Arbitraj Məhkəməsinin mənzil-qərargahında 1979-cu il tarixli “Avropanın canlı təbiətinin və təbii mühitinin qorunması haqqında” Konvensiya (Bern Konvensiyası) əsasında Ermənistana qarşı arbitraj işi üzrə iddia sənədini təqdim edib.
Rəy yaz