Bakı/21.01.20/Turan: Çərşənbə axşamı Bakıda Atatürk Mərkəzində Azərbaycan və Türkiyənin görkəmli tarixi şəxsiyyətləri - Azərbaycan Xalq Cümhuriyyətinin (AXC) qurucusu Məhəmməd Əmin Rəsulzadəyə və Osmanlı ordusunun generalı, Qafqaz Azadlıq Ordusunun komandiri Nuru Paşaya həsr olunmuş 0 avro nominalında suvenir avro-banknotların təqdimatı keçirilib.
Bu iki görkəmli şəxsiyyətin portretləri EuroSouvenirBank layihəsi çərçivəsində hazırlanmış əskinasın üzərində təsvir edilib.
Mərasimdə layihənin təşəbbüsçüsü, türkiyəli kolleksiyaçı Özgür Honça, Türkiyənin Azərbaycandakı səfiri Erkan Özoral, Azərbaycanın ictimai xadimləri iştirak ediblər.
Təqdimat çağdaş Azərbaycan dövlətinin qurulması, Türkiyə-Azərbaycan münasibətləri, 1918-1929-cu illərdə ilk demokratik respublikanı quran və Azərbaycan milli ideyasının əsasını qoyan xadimlərin xatirəsinin əbədiləşdirilməsi ilə bağlı problemlərin müzakirəsi üçün əsas olub.
“Bu banknotun buraxılmasını Rəsulzadənin Azərbaycan Xalq Cümhuriyyətinin qurucusu, Nuru Paşanın isə Azərbaycanı daşnak-bolşevik terrorundan azad edən və azərbaycanlılarda öz gələcəyinə inam yaradan hərbi lider kimi adının əbədiləşdirilməsinə çağırış kimi qəbul etmək lazımdır”, - deputat Fazil Qəzənfəroğlu deyib.
Layihəyə hərtərəfli dəstək verən Özgür Honça, Serhat Cemil Küçük həmçinin Dağlıq Qarabağın erməni separatçılarının sifariş verdiyi “Artsax” suvenir avro- banknotların buraxılışının qarşısının alınmasında mühüm rol oynayıblar.
“Azərbaycana qarşı bu təxribatın qarşısını almaq üçün bütün lazımi diplomatik və hüquqi addımlar atıldı. Bizim hərəkətimiz EuroSouvenirBank tərəfindən düzgün anlaşıldı və banknotların buraxılışının qarşısı alındı”, - Özgür Honça deyib.
Təqdimatın təşəbbüsçülərindən biri Yaqut Misirxanlı bildirib ki, 10 min xatirə banknotu buraxılıb. 0 avro nominalında suvenir banknotlar Avropa Mərkəzi Bankının rəsmi dəzgahlarında çap olunur və əmtəə nişanı kimi qeydiyyata alınır.
Artıq banknotların xeyli hissəsi Azərbaycanda, Türkiyədə və Avropa ölkələrindəki dövlət və ictimai xadimlərə verilib.0—
Siyasət
-
Azərbaycan, Ukrayna üzərindən Rusiya qazının tranzitinin dayandırılmasından sonra təbii qaz bazarında artan çətinliklər fonunda Avropa üçün əsas enerji tərəfdaşı kimi öz mövqeyini gücləndirir. On il davam edən tranzit marşrutunun sonunu göstərən bu kəsinti, qlobal mayeləşdirilmiş təbii qaz (LNG) bazarında rəqabəti artıracağı və alternativ enerji mənbələrinin qiymətlərini yüksəldəcəyi gözlənilir.
-
Həbsdə olan bloger Rəşad Ramazanov 15 saylı cəzaçəkmə müəssisəsində saxlanma şəraitinin ağır olmasından danışıb. Bu barədə Turan agentliyinə koloniyadan zəng edərək özü məlumat verib.
-
ABŞ Helsinki Komissiyasının həmsədri, konqresmen Co Uilson Tehran rejiminin nümayəndələrinin Azərbaycan və Türkiyəyə qarşı təhdidlərini pisləyib.
-
Beynəlxalq Avtomobil Federasiyasının (FIA) Formula 1 üzrə Azərbaycan Qran-prisi sentyabrın 19-21-də reallaşacaq. Bu, mövsümün 17-ci Qran-prisi olacaq.
Rəy yaz