Meydan TV-nin jurnalisti Aytac Tapdıq (Əhmədova) 48 saat müddətinə şübhəli şəxs qismində saxlanılıb, bu barədə onun vəkili Cavad Cavadov jurnalistlərə bildirib.
Jurnalist Azərbaycan Cinayət Məcəlləsinin 206.3.2 (qaçaqmalçılıq, qabaqcadan əlbir olan bir qrup şəxs tərəfindən törədildikdə) maddəsi ilə şübhəli bilinir.
Jurnalist özünü təqsirli bilmir və cinayət işini peşə fəaliyyəti ilə əlaqələndirir.
Vəkil bildirib ki, “şübhə”nin mahiyyətinin nədə olduğu anlaşılmır.
Jurnalistin mənzilində axtarış aparılıb, onun mobil telefonu, kompüteri və videokameraları götürülüb.
Bu maddə ilə şübhəli şəxs qismində Meydan TV-nin jurnalistləri Natiq Cavadlı, Aynur Elgünəş və Aysel Umudova də saxlanılıb.
Jurnalistləri 5 ildən 8 ilə qədər həbs gözləyir.
Siyasət
-
Bu gün Bakı Ağır Cinayətlər Məhkəməsində ictimai fəal İlhamiz Quliyev barəsində hökm oxunub. Məhkəmə Azərbaycan CM-in 234.4.3-cü (satış məqsədilə külli miqdarda narkotik vasitənin qanunsuz dövriyyəsi) maddəsi ilə ittihamı daha yüngül maddəyə - 234.1-1-ci (satış məqsədi olmadan qanunsuz olaraq narkotik vasitələri və ya psixotrop maddələri xeyli miqdarda əldə etmə, saxlama, hazırlama, emal etmə, daşıma) maddəyə tövsif edib və fəalı üç il müddətinə azadlıqdan məhrumetmə cəzasına məhkum edib.
-
“Azərbaycan Siyasi Məhbuslarına Azadlıq” Birliyi siyasi məhbusların yeni siyahısını dərc edib. Siyahıya görə, bu il sentyabrın 23-dən dekabrın 12-dək Azərbaycanda siyasi məhbusların sayı 17 nəfər artaraq 331 nəfərə çatıb. Belə ki, sentyabrın 23-də 319 nəfərin adı siyahıya daxil edilib. İndiyədək onlardan 5 nəfəri həbsdən azadlığa buraxılıb, daha 17 nəfər həbs edilib.
-
Cümə axşamı Azərbaycan prezidentinin köməkçisi Hikmət Hacıyev Bakının Ermənistan-Azərbaycan sərhədində Avropa İttifaqının müşahidəçi missiyasının fəaliyyətinin dayandırılması zərurəti haqqında tələbini təkrar edib.
-
Dekabrın 12-də Azərbaycan müdafiə naziri Zakir Həsənov Türkiyə Hərbi Hava Qüvvələrinin komandanı ordu generalı Ziya Cemal Kadıoğlunun rəhbərlik etdiyi nümayəndə heyətini qəbul edib.
Rəy yaz