Meydan TV-nin jurnalisti Xəyalə Ağayeva şübhəli şəxs qismində saxlanılıb. Bu barədə onun vəkili Nazim Musayev jurnalistlərə bildirib.
Vəkil qeyd edib ki, Ağayeva Azərbaycan Cinayət Məcəlləsinin 206.3.2-ci (qaçaqmalçılıq, bir qrup şəxs tərəfindən qabaqcadan əlbir olaraq törədildikdə) maddəsilə şübhəli bilinir.
Onun sözlərinə görə, jurnalist özünü təqsirli bilmir və cinayət işini jurnalist fəaliyyəti ilə əlaqələndirir.
Ağayeva fiziki təzyiqdən şikayət etməyib. Lakin ona psixoloji təzyiq edilib.
Belə ki, vəkili gələnə qədər o, ifadə verməyə məcbur edilib.
Musayev müdafiəyə qoşulduqdan sonra o, ilkin ifadəsindən imtina edib.
Siyasət
-
Müstəqil jurnalist Xanım Mustafayeva yanvarın 11-də Azərbaycandan xaricə gedə bilməyib. Bakı hava limanında ona bildiriblər ki, qadağa Azərbaycanın Daxili İşlər Nazirliyi tərəfindən qoyulub. Lakin jurnalistin hüquqlarının məhdudlaşdırılmasının səbəbləri ona izah edilməyib.
-
Məşhur iqtisadçı və siyasi xadim Qubad İbadoğlunun ev dustaqlığına buraxıldıqdan sonra hüquqlarını daha da məhdudlaşdırırılıb. Onun şəxsiyyət vəsiqəsi fəaliyyətsiz edilib.
-
Yanvarın 10-da Bakı Ağır Cinayətlər Məhkəməsində Demokratik Qüvvələrin Milli Şurasının və Müsavat Partiyasının üzvü Tofiq Yaqublunun işi üzrə növbəti iclas gərgin atmosferdə keçib.
-
Cənubi Kaliforniyada yanvarın 7-də başlamış yanğını lokallaşdırmaq mümkün olmayıb. ABŞ prezidenti Co Bayden genişmiqyaslı təbii fəlakət rejiminin tətbiq edildiyini açıqlayıb.
Rəy yaz