![MHİ iki nazirin jurnalisti həbs etmək istəyini kəskin qınayır](https://turan.az/resized/media/2013/main/030700031076-750-500-resize.webp)
MHİ iki nazirin jurnalisti həbs etmək istəyini kəskin qınayır
Media Hüquqları İnstitutu (MHİ) DİN və MTN başçılarının “Azadlıq” qəzetinin baş redaktoru Qənimət Zahid barəsində cinayət cəzası məqsədilə məhkəmə iddiası verməsini kəskin qınayır.
MHİ-nin bəyanatında deyilir ki, dövlət qurumlarının və onların vəzifəli şəxslərinin fəaliyyətləri daim ictimai nəzarətdə olmalıdır. “Onlar hətta media tərəfindən əsassız iddialara məruz qaldıqları zaman dözüm göstərməlidirlər”, MHİ belə hesab edir.
Ölkənin aparıcı müxalifət qəzetinin redaktoruna qarşı məhkəmə iddiaları diffamasiyaya görə cinayət məsuliyyətinin tətbiqinin dayandırılması ilə bağlı Azərbaycan hökumətinin 2 ilə yaxındır davam edən qeyri-rəsmi moratoriumun pozulması deməkdir.
“Diffamasiyaya görə cinayət cəzası tələb edənlərin nazirlər olması isə xüsusilə qorxuludur. Hökumətdə yüksək pillə tutan şəxslərin jurnalisti yazısına görə həbs etdirmək niyyəti digər məmurları tənqid edənləri bu üsulla susdurmağa həvəsləndirə bilər”, deyə bəyanatda vurğulanıb.
* Zahidə qarşı iddiaya “Azadlıq” qəzetinin 1 mart buraxılışında dərc edilmiş “Ramil Usubov Kəmaləddin Heydərova qəzəblənib” başlıqlı məqalə səbəb olub. Məqalədə iddia olunurdu ki, guya Usubov və Heydərov Ramiz Mehdiyev və Paşayevlər ailəsi arasında hakimiyyətdaxili münaqişəyə cəlb ediliblər və indi KİV-də bir-birinə qarşı məxfi kampaniya aparırlar.
Heydərov Zahidin 147.2 (ağır cinayət törədilməsi ilə bağlı böhtan), Usubov isə 147.1-ci (böhtan) maddə ilə cinayətə cəlb edilməsini tələb edir. Zahid 3 ilədək həbs cəzasına məhkum edilə bilər. -16D06-
-
- İqtisadiyyat
- 7 Mart 2013 16:16
-
- Siyasət
- 7 Mart 2013 18:00
Siyasət
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
-
Avqustun 30-da saat 22:55-ə yaxın Ermənistanın Metsamordakı Atom Elektrik Stansiyası ölkənin enerji sistemindən ayrılıb. Bu barədə Ermənistanın Ərazi İdarəetmə və İnfrastruktur Nazirliyi bildirib. Buna ildırım zərbəsi səbəb olub, nəticədə stansiyanın təhlükəsizlik sistemi stansiyanı təhlükəsiz dayanma rejiminə keçirib. Hazırda stansiyanın kollektivi onun yenidən işə salınması ilə məşğuldur.
Rəy yaz