![Milli Şura iqtidarı qaydasız oyun oynamaqda ittiham edib](https://turan.az/resized/media/2014/main/030600071688-750-500-resize.webp)
Milli Şura iqtidarı qaydasız oyun oynamaqda ittiham edib
Demokratik Qüvvələrin Milli Şurasının (DQMŞ) Koordinasiya Mərkəzi (KM) cümə axşamı növbəti toplantısını keçirib.
MŞ sədri Cəmil Həsənli “Sovetski” məhəlləsi sakinlərinin mülkiyyət hüquqlarının müdafiəsi, BDU tələbələrinə dəstək, araşdırmaçı jurnalist Xədicə İsmayılovaya qarşı təzyiqləri pisləyən bəyanatın qəbul edildiyini bildirib. Azərbaycanın Avropaya inteqrasiya mövzusunda ictimai dinləmə keçirildiyi xartırladılıb.
Ukrayna xalqının demokratiya ugrunda apardığı mübarizəyə MŞ-nın dəstək verdiyi, AXCP ofisinin hakimiyyət tərəfindən partladılmasına və sökülməsinə etiraz açıqlamaları yayıldığı qeyd edilib.
AXCP ofisinin partladılması və sökülməsi müzakirə olunub. AXCP sədri Əli Kərimlinin partiya ofisinin partladılması, eləcə də ölkədəki ictimai-siyasi durumla bağlı diplomatik korpusla görüş keçirdiyi vurğulanıb. Görüşdə Avropa Birliyi, ABŞ, Almaniya, İngiltərə, Fransa, Belçika, Norveç, İsveç, Polşa, Xorvatiya, Latviya və Litvanın səfirləri və ya nümayəndələrinin iştirak etməsinə diqqət çəkilib.
KM AXCP ofisinin partladılması ilə bağlı hakimiyyətin rəqiblərinə qarşı apardığı terror siyasətinə dair toplantı keçirilməsi qərara alınıb.
Avstriyanın paytaxtı Vyanada “OeBS” şirkəti ilə Azərbaycan Milli Bankı rəhbərliyi arasında 10 milyonlarla avroluq korrupsiya və rüşvət işi üzrə birinci məhkəmə iclasında prokurorun ittiham aktında səsləndirdiyi fikirlər müzakirə olunub. Təqdim edilən faktlar aşkar cinayət əlamətlərini ortaya qoyduğuna görə cinayət törətmiş şəxslər barəsində qanuni tədbir görülməsi üçün hüquq-mühafizə orqanlarına müraciət edilməsi qərara alınıb.
KM Milli Şuranın Ukrayna xalqının demokratiya uğrunda mübarizəsini dəstəklədiyini, Rusiyanın Krıma siyasi-hərbi müdaxiləsini pislədiyini bəyan edib. -05D-
-
- Cəmiyyət
- 6 Mart 2014 16:11
Siyasət
-
Penitensiar Xidmətin Müalicə müəssisəsində saxlanılan, 45 gündür aclıq aksiyası keçirən İstanbul Universitetinin doktorantı Fazil Qaımovun anası Tahirə Qasımova oğlunu ölümdən xilas etmək məqsədi ilə iyulun 28-də ictimaiyyətə müraciət edib.
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
Rəy yaz