Milli Şura ölkədə insan haqlarının kütləvi şəkildə pozulduğunu bəyan edib

Demokratik Qüvvələrin Milli Şurasının (DQMŞ) Koordinasiya Şurası (KŞ) bu günlərdə növbəti toplantısını keçirib.

Toplantıda ölkədəki ictimai-siyasi durum müzakirə edilib, insan haqlarının pozulmasının artdığı xüsusi vurğulanb. Gəncədə fəaliyyət göstərən vətəndaş cəmiyyəti institunun rəhbəri Həsən Hüseynlinin həbsi, daha sonra polis nəzarətinə verilməsi insan haqlarının pozulmasına nümunə kimi göstərilib. H.Hüseynliyə təzyiqləri pisləyən MŞ H.Hüseynlinin ictimai fəaliyyətinə görə təqiblərə məruz qalmasını təkcə qanun pozuntusu kimi yox, həm də ictimai azadlıqların boğulması kimi dəyərləndirib.  

 “NİDA” gənclər Hərəkatı üzvlərinin təcridxanaya aparılarkən saxlandıqları maşına bibər qazı buraxılmasını toplantı iştirakçıları müttəhimlərin məhbəsdə belə təzyiqlərə mruz qalması sayıblar. Toplantı iştirakçıları müttəhimlərə qarşı qanunsuzluqları dayandırmağı tələb ediblər. 

Toplantıda MŞ-nın Avropa qurumları ilə əməkdaşlığı daha uğurlu şəkildə qurması müzakirə edilib, bununla bağlı konkret vəzifələr müəyyən olunub.

Bu ilin sonunda ölkədə keçirilməsi gözlnilən bələdiyyə seçkilərini müzakirə eədn qurum üzvləri ölkədə demokratik seçki mühitinin olmadığını, seçki qanunvericiliyinin mürtəce olduğunu, böyük şəhər bələdiyyələrinin yaradılmadığını xüsusi nəzərə çatdırıblar. Bu sahədə demokratik seçikiyə nail ola bilmək üçün qanunvericiliyin mütərəqqiləşdirilməsinin əsas məsələ olduğu qeyd edilib.

Milli Şuraya yeni üzvlərin qəbulunun qarşıdakı dönəmdə davam etdiriləcəyi, bununla belə, əsas diqqətin qurumun mövcud üzvlərinin və üzv təşkilatların protensialından istifadə edərək Milli Şuranın fəaliyyətinin gücləndirilməsinə yönəldiləcəyi xüsusi vurğulanıb.-05D-