Milli Şura ukraynalıların Avrointeqrasiya səylərinə dəstək ifadə edib
Azərbaycan Demokratik Qüvvələrinin Milli Şurası (DQMŞ) dekabrın 3-də keçirilən növbəti sessiyasında Ukraynadakı hadisələrlə bağlı bəyanatla çıxış edib.
DQMŞ “Ukrayna xalqının Avropa azad demokratik ölkələrinin ailəsinə daxil olmaq səylərini dəstəkləyir”.
“Ukrayna demokratik qüvvələrinin vətəndaşların çoxu tərəfindən dəstəklənən Avropa İttifaqı ilə Assosiyasi haqda Sazişə qoşulmaq uğrunda mübarizəsi xalqın Avropaya inteqrasiya yolu ilə getmək əzmindən xəbər verir”, deyə bəyanatda bildirilir.
DQMŞ əmindir ki, “Ukraynada Avropaya inteqrasiya uğrunda başlanan ümummilli hərəkat uzun illər azadlıq və çiçəklənmə arzusu ilə yaşayan Ukrayna xalqının qələbəsi ilə nəticələnəcək”.
“Azərbaycanın Demokratik Qüvvələri, ölkə əhalisnin böyük hissəsi Kiyev və başqa şəhərlərdəki hadisələri diqqətlə izləyir, Ukrayna xalqının Avropa seçimini dəstəkləyir, tezliklə onun həyata keçməsini arzu edir”, deyə bəyanatda vurğulanır.
DQMŞ hesab edir ki, “Ukrayna xalqının Avropa dəyərlərinə inteqrasiya olmaq uğrunda mübarizəsi mütərəqqi tendensiyadır və onun qələbə ilə nəticələnməsi bütövlükdə post-sovet Avropasının Avroatlantik məkana qoşulması istiqamətdə əhəmiyyətli hadisə olacaq”.
Milli Şura Kiyev meydanlarında dinc əhaliyə qarşı zor tətbiq edilməsini pisləyir və hadisələrin gedişində insanlara qarşı xəsarət yetrilməsindən təəssüf hissi keçirir. -06D-
-
- Siyasət
- 3 Dekabr 2013 16:56
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz