Bakı/28.05.18/Turan: Demokratik Qüvvələrin Milli Şurası (DQMŞ) Azərbaycan Xalq Cümhuriyyətinin (AXC) 100 illiyi münasibətilə Novxanı qəsəbəsində Məmmədəmin Rəsulzadənin abidəsinin önündə bayram mitinqi keçirib.
Aksiya başlamazdan öncə iştirakçılar səmaya ağ göyərçinlər və şar buraxıblar.
Mitinqdə çıxış edən AXCP lideri Əli Kərimli AXC-nin yaradılmasını Azərbaycan xalqının tarixində əlamətdar hadisə adlandırıb.
O, təəssüflə qeyd edib ki, demokratik qüvvələr AXC dəyərlərini və azadlıq ideyalarını hələ reallaşdıra bilməyib.
"Bu mənada ulu babalarımız - AXC banilərinin qarşısında borcluyuq. Ancaq bu, müvəqqəti xarakter daşıyır. Biz Azərbaycanda demokratik dövlət quracağıq. Bu dövlətdə milli, dini və siyasi mənsubiyyətindən asılı olmayaraq bütün hüquqlar təmin ediləcək", - Ə.Kərimli bəyan edib.
Mitinq iştirakçıları AXCP üzvlərinin "pulların yuyulması" ittihamı ilə həbsini pisləyiblər.
"Qoy, Əli Kərimlinin və ən kiçik məmurun evində axtarış aparılsın, baxsınlar, kimdə nə var", - mitinqin aparıcısı, AXCP fəalı İlham Hüseyn deyib.
DQMŞ sədri Cəmil Həsənli qeyd edib ki, AXC baniləri Azərbaycanda o dövr üçün nümunə olan demokratiya modelini yaradıblar və bu, xarici diplomatlar tərəfindən tanınıb.
Ancaq indiki rejim beynəlxalq arenada Azərbaycanı gözdən salır.
"Bu gün korrupsiya, pulların yuyulması, inhisar ilə bağlı beynəlxalq qalmaqalda Azərbaycan hakimiyyətinin adı keçir. Ancaq biz öz ardıcıl mübarizəmiz ilə bu kriminal rejimi tarixin zibilliyinə göndərəcəyik", - C.Həsənli vurğulayıb.
Aksiya iştirakçıları "Azərbaycan!", "Rəsulzadə!", "İstefa!" şüarlarını səsləndiriblər.-03C06
Siyasət
-
COP29 iqlim sammitində əldə edilən razılaşma BMT Baş Katibi Antoniu Quterreş tərəfindən iqlim dəyişikliyinə qarşı qlobal səylərdə mühüm addım kimi qiymətləndirilib. Yüksək səviyyəli müzakirələrin yekununda çıxış edən Quterreş, bu razılaşmanın qlobal istiləşməni 1,5°C həddində saxlamaq məqsədini qorumaq üçün həlledici olduğunu vurğulayıb. Bu hədd iqlim dəyişikliyinin ən pis təsirlərini qarşısını almaq üçün kritik hesab olunur.
-
Noyabrın 23-də Bakıda BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) keçirildiyi məkanda müxtəlif ölkələrdən olan ekofəlallr liderlərin kifayət qədər iqlim maliyyəsi ödənilməsi barədə razılığa gələ bilməməsinə etiraz olaraq aksiya keçirib.
-
Bakıda COP29 iqlim konfransının bağlanışı ərəfəsində Beynəlxalq Jurnalistləri Müdafiə Komitəsi Azərbaycanda həbs olunmuş jurnalistlərin cinayət işlərinə diqqəti yönəldib.
-
Bakıda keçirilən BMT-nin İqlim Dəyişikliyi üzrə Çərçivə Konvensiyasının (UNFCCC) 29-cu sessiyası üzrə danışıqlar 24 noyabr tarixinə qədər uzadılıb. Bu barədə UNFCCC Katibliyindən bir mənbə Turan informasiya agentliyinə məlumat verib. Mənbənin sözlərinə görə, iştirakçılar həmin tarixə qədər yekun sənədləri razılaşdırıb imzalamağı planlaşdırırlar.
Rəy yaz