Moldovada seçkilərə müdaxilə "Kremlin tərzidir"

ABŞ oktyabrın 20-də Moldovada keçirilmiş seçkilərə müdaxilə hallarını araşdırmağa çağırıb.

Ölkənin Avropa birliyinə inteqrasiyası üzrə referendum az fərqlə başa çatıb, Avropapərəst  prezident Maya Sandu Rusiyapərəst namizəd Aleksandr Stoyannoqloya qalib gəlib.

"Noyabrın 3-də prezident seçkilərinin ikinci turu yaxınlaşdıqca, biz Moldovanın demokratik prosesi təmin etməyə sadiq qalmasını dəstəkləməyə davam edəcəyik",- Dövlət Departamentinin mətbuat katibinin müavini Vedant Patel brifinq zamanı Turan-ın sualını cavablandırarkən bildirib.

"Biz Avropa İttifqına yolu təmin edən referendumun keçirilməsi münasibətilə Moldovanı təbrik edirik. Əvvəliktək  düşüncəmiz odur ki, Moldovanın gələcəyi Avropadadır", - Patel deyib.

Seçkilərə intensiv müdaxilə ilə bağlı ittihamlar haqda sualın cavabında Patel deyib: "Biz və digər beynəlxalq müşahidəçilər kiberaktivlik, dezinformasiya və digər şeylər barədə məlumatlar qeyd etdik. Bu, başqa yerlərdə də eyni şeyi edən Kremlin üslubudur və aydındır ki, Kreml Moldovanın suverenliyini pozmaq niyyətində olub".

"Bu ittihamlara gəlincə, şübhəsiz ki, biz onların araşdırılmasını və müvafiq şəffaf hüquqi proseslər vasitəsiə həll edilməsini istərdik", - o, fikrini yekunlaşdırıb.