![Açiq mənbələrdən foto.](https://turan.az/resized/media/2022/main/042900044332-750-500-resize.webp)
Açiq mənbələrdən foto.
Moskva Düşənbədə Rusiya, Azərbaycan və Ermənistan XİN başçılarının görüşünü keçirməyi təklif edib, Yerevan isə hələlik Brüssel görüşünü təsdiq etmir
Bakı/29.04.22/Turan: Aprelin 29-da Rusiya və Ermənistan XİN başçılarının telefon söhbəti baş tutub, bu barədə RF XİN-in mətbuat xidməti məlumat yayıb.
"Tərəflər Ermənistan, Azərbaycan və Rusiya liderlərinin 9 noyabr 2020-ci il, 11 yanvar və 26 noyabr 2021-cil il tarixli üçtərəfli razılaşmalarının həyata keçirilməsini, o cümlədən Ermənistan-Azərbaycan sərhədinin delimitasiyası üzrə komissiyanın yaradılmasını və regionda nəqliyyat və iqtisadi əlaqələrin açılması üzrə fəaliyyəti müzakirə ediblər. Ermənistan və Azərbaycan arasında sülh müqaviləsinin bağlanması ilə bağlı fikir mübadiləsi aparılıb", deyə məlumatda bildirilir.
Öz növbəsində, Ermənistan XİN Moskvanın toxunmadığı məqamı açıqlayıb. Ermənistan XİN-in məlumatında deyilir ki, Ararat Mirzoyan Lavrovun MDB Xarici İşlər Nazirləri Şurasının mayın 13-də Düşənbədə keçiriləcək iclası çərçivəsində Ermənistan, Rusiya və Azərbaycan XİN başçılarının üçtərəfli görüşünü keçirmək təklifi ilə razılaşıb. Azərbaycan XİN hələlik bu məlumatı şərh etməyib.
Eyni zamanda, Ermənistan XİN İlham Əliyevin mayın əvvəllərində Brüsseldə Azərbaycan və Ermənistan nümayəndə heyətlərinin ikitərəfli görüşünün keçiriləcəyi haqqında bu gün səsləndirdiyi bəyanatı təsdiq etməyib. -02D-
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz