Bakı/06.02.18/Turan: Azərbaycan Mərkəzi Seçki Komissiyası (MSK) bu gün aprelin 11-nə təyin edilmiş prezident seçkiləri ilə bağlı əsas tədbirlərin təqvim planını təsdiq edib.
Sənədə əsasən, prezidentliyə namizədin qeydiyyatı üçün zəruri sənədlərin MSK-ya təqdim edilməsi fevralın 27-dən 12 mart saat 18:00-a qədər davam edəcək.
Aprelin 1-nə qədər bütün Azərbaycan ərazisində seçkilərin gedişatının müşahidəsinin aparılması üçün MSK-ya ərizələr qəbul ediləcək.
Ayrı-ayrı seçki dairələri ərazisində seçkiləri müşahidə etmək istəyənlər akkreditasiya üçün aprelin 6-na qədər müvafiq dairə seçki komissiyalarına müraciət edə bilərlər.
Seçkiqabağı təşviqat seçkilər günündən 23 təqvim günü əvvəl başlayır və səsverməyə 24 saat qalanda başa çatır, yəni martın 19-dan 19 aprel saat 08.00-a qədər keçiriləcək.
Səsvermə aprelin 11-də saat 08.00-da başlayacaq və 19.00-da başa çatacaq.
Səsvermənin ilkin yekunları aprelin 11-də axşam saatlarında məlum olacaq. -06D-
Siyasət
-
Ötən gün hökumətyönumlü nəşr Caliber.az ABŞ səfirliyinin əməkdaşlarını Azərbaycana qarşı təxribat fəaliyyətində ittiham edən məqalə dərc edib.
-
Avropa Parlamentinin İnsan Haqları Alt Komitəsi cümə axşamı genişləndirilmiş iclasında “Azərbaycanda müstəqil mediaya və vətəndaş cəmiyyətinə basqılar” mövzusunda müzakirə keçirib. İclasda Saxarov Düşüncə Mükafatının finalçısı Dr. Qubad İbadoğlunun nümayəndəsi, hüquqşünas Jalə Bayramova, jurnalist Arzu Qeybullayeva və Avropa Şərq Tərəfdaşlığı Vətəndaş Cəmiyyəti Forumunun təmsilçisi Aleksandros Sabou çıxış ediblər.
-
ATƏT ölkələrinin Xarici İşlər Nazirləri Şurasının Maltada keçirilən iclası çərçivəsində bu gün ABŞ-ın dövlət katibi Antoni Blinken Azərbaycan, Belarus, Qırğızıstan, Rusiya və Ukrayna vətəndaş cəmiyyəti nümayəndələri ilə görüşüb.
-
Avropa Parlamentinin İnsan Hüquqları Alt Komitəsinin sədri Munir Satouri, hazırda ev dustaqlığında olan professor Qubad İbadoğlunun Strasburqda keçiriləcək Saxarov mükafatının təqdimetmə mərasimində iştirak etməsi üçün Azərbaycandan onun ölkədən çıxış qadağasının ləğvinə çağırıb.
Rəy yaz