Cümə axşamı günün birinci yarısında Müdafiə Nazirliyində Bakıda səfərdə olan ABŞ-ın Birləşmiş Qərargah Rəisləri Komitəsinin sədri Cozef Danford ilə görüş olub.
Müdafiə Nazirliyinin mətbuat xidmətinin məlumatına görə, müdafiə naziri Zakir Həsənov və C.Danford Azərbaycanla ABŞ arasında hərbi əməkdaşlıq, o cümlədən Azərbaycan Silahlı Qüvvələrinin NATO proqramları çərçivəsində fəaliyyəti, Əfqanıstanda həyata keçirilən “Qətiyyətli dəstək” qeyri-döyüş missiyasına verilən töhfə haqqında danışıblar.
Tərəflər Xəzər dənizində təhlükəsizlik məsələləri, kütləvi qırğın silahlarının yayılmaması, həmçinin iki ölkə arasında hərbi əlaqələrin genişləndirilməsi, treninqlərin keçirilməsi və hərbi təhsil məsələlərini müzakirə ediblər.
Günün ikinci yarısında Z.Həsənov C.Danfordla görüşmək üşün Bakıya gələn RF Baş Qərargah rəisi Valeri Gerasimovu qəbul edib.
Söhbət zamanı regional təhlükəsizlik, hərbi-texniki əməkdaşlıq və qarşılıqlı maraq doğuran digər məsələlərə toxunulub.-02D-
Siyasət
-
Fevralın 5-də prezident İlham Əliyev Ukraynaya humanitar yardımın göstərilməsi haqqında sərəncam imzalayıb. Sənədə əsasən, Azərbaycanda istehsal olunan elektrik avadanlığının satın alınması və göndərilməsi üçün Energetika Nazirliyinə 1 milyon ABŞ dolları ayrılıb.
-
Fevralın 5-də Səbail Rayon Məhkəməsində “Kanal-13” İnternet- nəşrin rəhbəri əziz Orucovun işi üzrə proses davam edib.
-
Fevralın 4-də Bakı Apellyasiya Məhkəməsi rusiyalı keçmiş hakim, Rusiya Prokurorluğunun vəsatətilə Azərbaycanda həbs edilmiş Yelena Xaxalevanı həbsdən azad edib.
-
Azərbaycanın “Azel” TV saytının rəhbəri, fevralın 2-dən Tbilisi İstintaq Təcridxanasında quru aclıq edən Əfqan Sadıqov çərşənbə axşamı huşunu itirib. Bu barədə Turan-a onun xanımı Sevinc Sadıqova bildirib.
Rəy yaz