Муса Туканов
Bakı/01.11.17/Turan: Vahid Kommunist Partiyasının rəhbəri Musa Tukanov həbs edilib. Onun oğlu Akif Tukanov məlumatı Turan-a təsdiqləyib. M.Tukanov CM-in 311-ci maddəsi (rüşvət almaq) ilə ittiham olunub.
Binəqədi Rayon Məhkəməsi onun barəsində həbs qətimkan tədbiri seçib.
M.Tukanovun oğlu deyib ki, hazırda atasının müdafiəsinin təşkili məsələsini müzakirə edir.
Vahid Kommunist Partiyası 1993-cü ildə Səyyad Səyyadovun rəhbərliyilə təsis edilib.
Sonradan partiya həmin adla iki yerə parçalanıb. Onlardan birinə M.Tukanov rəhbərlik edib, ancaq partiyanın dövlət qeydiyyatı olmayıb.
Son illər KİV-də M.Tukanovun rəhbərlik etdiyi partiyanın fəaliyyətinə dair hər hansı məlumat verilməyib.
Öz növbəsində Baş Prokurorluğun mətbuat xidmətindən Turan-a bildiriblər ki, Azərbaycan Karlar Cəmiyyətinin sədr müavini olan M.Tukanov vətəndaşların şikayətləri əsasında cinayət məsuliyyətinə cəlb edilib.
O, vəzifə səlahiyyətlərini aşmaqda və rüşvət almaqda ittiham olunur.-05B06/03--
-
- Maliyyə
- 1 Noyabr 2017 14:13
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz