Müsavat başqanının müşaviri Lənkəran polisinə aparılıb
Müsavat Partiyası başqanı İsa Qəmbərin müşaviri Yadigar Sadıqov bu gün axşam saatlarında Lənkəran rayon polis şöbəsinə aparılıb. Bu haqda Turan-a Müsavat Partiyasının funksioneri Gülağa Aslanlı bildirib.
“Y.Sadıqov saxlanılan zaman mənə zəng edərək “məni polisə apardılar” ifadəsi işlədib və bundan sonra Y.Sadıqova zəng etsəm də, cavab olmayıb”, - deyə G.Aslanlı qeyd edib.
G.Aslanlı Y.Sadıqovun saxlanmasını Müsavat Partiyası başqanı İsa Qəmbər başda olmaqla, partiya nümayəndə heyətinin yanvarın 27-də Lənkərana gözlənilən səfərilə bağlı olduğunu söyləyib. Onun sözlərinə görə, Y.Sadıqov Müsavat Partiyası başqanının yanvarın 27-də Ləkərana səfərinə dair müraciəti rayon icra hakimiyyətinə təqdim etməli idi. “Görünür, Y.Sadıqov müraciəti ünvana təqdim etdikdən sonra polis onunla maraqlanıb”, - deyə G.Aslanlı müşavirin saxlanması mümkünlüyünə toxunub.
Xatırladaq ki, yanvarın 23-də Müsavat Partiyasında keçirilən dinləmələrdə Müsavat Partiyası lideri İ.Qəmbər yanvarın 27-də Lənkərana səfərə gedəcəyini, bu səfərə jurnalistləri, ziyalıları, ictiami və siyasi xadimləri dəvət etdiyini açıqlamışdı.
Y.Sadıqov Turan-ın müxbirilə söhbətində polisə aparılmasını təsdiq edib. Polisə çağırılması Müsavat partiyası nümayəndə heyətinin yanvarın 27-də Lənkərana gözlənilən gəlişilə bağlı olduğunu deyib. O, şəhər rəhbərlyinin bu görüşə imkan verməmək niyyətində olduğunu bildirib. -05B-
-
- Siyasət
- 23 Yanvar 2013 18:25
-
- Söz istəyirəm
- 23 Yanvar 2013 19:34
Siyasət
-
Azərbaycan bu həftə Fransada keçirilən Fransızofoniya Sammitindən sonra Ermənistana təxribatçı hərəkətlərdən çəkinməyə və ya normallaşma prosesini tamamlamaq, ya da qarşıdurma yolunu seçmək arasında qərar verməyə çağırıb.
-
Milli Məclisin 43 deputatı xarici işlər naziri Ceyhun Bayramova müraciət edərək, ABŞ-la münasibətlərə yenidən baxılması və müdafiə sahəsində əməkdaşlığa dair sazişlərin denonsasiyası çağırışı ilə çıxış edib.
-
Prezident İlham Əliyev 2024-2025-ci tədris ilində Azərbaycan Respublikasının ali təhsil müəssisələrinə daxil olan tələbələrə prezident təqaüdlərinin verilməsi haqqında sərəncam imzalayıb.
-
Oktyabrın 4-də Azərbaycanın Rusiyada yeni fövqəladə və səlahiyyətli səfiri Rəhman Mustafayev Rusiya xarici işlər naziri Sergey Lavrov tərəfindən qəbul edilib.
Rəy yaz