Müsavat Partiyası metronun “Bakmil” (depo) stansiyası ərazisində 1918-20-ci illər Azərbaycan Cümhuriyyətinin qurucularından Məhəmməd Əmin Rəsulzadənin büstünün götürülməsinə etiraz olaraq bəyanat yayıb.
Bu addım metropoliten rəhbərliyinin yol verdiyi vandalizm sayılır, rəsmi Bakının M.Ə.Rəsulzadənin nüfuzu ilə qəlblərdə yer tutmasına qısqanclıqla yanaşması hesab edilir. Daha sonra sənəddə rəsmi Bakının M.Ə.Rəsulzadənin adının qurduğu BDU-dan götürməsi, paytaxtda heykəlinin ucaldılmasına qadağa qoyması, Ağcabədi, Ağsu rayonlarındakı büstlərini götürməsi, metronun “28 May” stansiyası daxilində divara həkk olunmuş portretinin dağıdılması xatırladılır.
Bu addım Azərbaycan Xalq Cümhuriyyətini (AXC) yaratmış milli liderin xatirəsinə hörmətsizlik kimi dəyərləndirilir. Eyni zamanda “Tarixi və mədəniyyət abidələrinin qorunması haqqında” ölkə qanunu və uyğun beynəlxalq konvensiyaların tələblərinin kobud şəkildə pozulması sayılır.
Müəlliflər bununla bağlı hüquq-mühafizə orqanlarına müraciət etməklə məsələnin hüquqi müstəvidə həllini tələb edəcəklərini bildiriblər.
Müəlliflər bu bu vandalizm aktını dövlətçiliyə qarşı yönələn hadisə kimi pisləyir, milli liderin büstünün bərpasını, hadisənin günahkarlarının cəzalandırılmasını tələb edirlər.-05D-
Siyasət
-
Fevralın 5-də axşam jurnalist Şahnaz Bəylərqızının saxlanıldığı məlum olub. Bir neçə il əvvəl o, “Toplum” TV-nin aparıcısı olub.
-
Dövlət başçısının 5 fevral tarixli sərəncamı ilə Muxtar Babayev prezidentin iqlim məsələləri üzrə nümayəndəsi təyin edilib.
-
Fevralın 5-də prezident İlham Əliyev Ukraynaya humanitar yardımın göstərilməsi haqqında sərəncam imzalayıb. Sənədə əsasən, Azərbaycanda istehsal olunan elektrik avadanlığının satın alınması və göndərilməsi üçün Energetika Nazirliyinə 1 milyon ABŞ dolları ayrılıb.
-
Fevralın 5-də Səbail Rayon Məhkəməsində “Kanal-13” İnternet- nəşrin rəhbəri əziz Orucovun işi üzrə proses davam edib.
Rəy yaz