Müsavat Partiyası təcridxana rəisinin cəzalandırılmasını tələb edir
Müsavat Partiyası partiyanın gənclər təşkilatının lideri Tural Abbaslının Binəqədi təcrdixanasında qeyri-insani rəftara məruz qalmasını pisləyən bəyanat yayıb.
T.Abbaslı barəsində Nəsimi rayon məhkəməsinin 15 sutkalıq inzibati cəza qərarı çıxarması “siyasi sifariş” sayılır. Vəkilinə isnadən T.Abbaslıya Ramazan bayramı günlərində belə adi sudan başqa hər-hansı qida verilməməsinə diqqət çəkilir.
Təcridxanada saxlandığı ilk iki gündə qolları arxa tərəfdən qandallı saxlanılıb, 3-cü gün isə qolları ön tərəfdən qandallanaraq istilik sisteminə bağlanılıb. T.Abbaslının qollarının qandallı saxlanmasını təcridxananın yeni rəisi Ramin İmanov etiraf edib. Bunun təcridxananın daxili nizamnaməsinə əsasən həyata keçirildiyini bildirib.
Avqustun 12-də T.Abbaslıya anası və qardaşı ilə 4 nəzarətçinin müşayiəti altında 15 dəqiqəlik görüş verilib. Qardaşı görüşdən sonra T.Abbaslının qollarında qandalın yeri, bədənində isə fiziki təzyiqlərə məruz qaldığını sübut edən izlərin qaldığını bəyan edib.
T.Abbaslıya təcridxanada rəis R.İmanovun göstərişi ilə işgəncə verilməsi faktı gənc fəalların siyasi aktivliyinin qarşısını almağa yönəlmiş qanunsuz hərəkət adlandırılır. Təcridxana rəisinin cəzalandırılması tələb olunur və beynəlxalq qurumlara bu məsələni diqqətdə saxlamaq çağırışı edilir. -05D-
Siyasət
-
Gürcüstanda keçirilən parlament seçkilərində hakim Gürcü Arzusu Partiyası erməni və azərbaycanlı əhalinin sıx olduğu rayonlarda çoxluq qazanıb: Axalkalaki – 88 faiz, Ninotsminda – 90 faiz, Marneuli – 80 faiz, Bolnisi – 81 faiz, Tetritskaro – 68,6 faiz, Dmanisi – 76,4 faiz, Tsalka – 69,3 faiz və Qardabani – 70,8 faiz. Marneulidə bülletenlərin atılmasına dair kadrlar Gürcüstanda və onun hüdudlarından kənrda sosial şəbəkələrdə geniş yayılıb. Gürcü Arzusu milli azlıqların az olduğu Tbilisidə uduzub.
-
ABŞ və avropalı müttəfiqlər müşahidəçilərin Gürcüstanda seçki pozuntuları ilə bağlı xəbərləri tam araşdırmaq çağırışlarına qoşulublar, Turan-ın Vaşinqton müxbiri bildirib.
-
Azərbaycan Respublikasının Prezidenti İlham Əliyev Gürcüstanda keçirilmiş parlament seçkilərinin nəticələri və ölkənin aparıcı siyasi qüvvəsi olan “Gürcü Arzusu - Demokratik Gürcüstan” partiyasının qələbəsi münasibətilə Baş nazir İrakli Kobaxidzeni təbrik edib.
-
Oktyabrın 26-da Azərbaycanın ekologiya və təbii sərvətlər naziri, COP 29-un prezidenti Muxtar Babayev ABŞ prezidentinin beynəlxalq iqlim siyasəti üzrə baş məsləhətçisi Con Podesta ilə görüşüb. Bu barədə X sosial platformasında COP-un səhifəsində deyilir.
Rəy yaz