Bakı260717Turan: Müsavat Partiyası Səbayel rayon təşkilatının sədr müavini İlkin Bayram polisə çağırılıb. Onu bu gün 8-ci polis bölməsində siyasi fəaliyyəti ilə bağlı sorgu-sual ediblər. Bu barədə İlkin Bayram özü məlumat verib.
Müsavatçının sözlərinə görə, onu 8-ci polis bölməsində sahə rəisi Arif Əsgərov sorğulayıb. "Suallar siyasi fəaliyyətimlə bağlı idi. Harada işlədiyimi, haradan maliyyələşdiyimi soruşdular" deyən İ. Bayram bildirib ki, polisdə şəxsiyyət vəsiqəsinin sürətini alıblar.
O, polisə çağırılmasını siyasi təzyiq kimi dəyərləndirib. 8-ci polis bölməsinin sahə rəisi Arif Əsgərov isə siyasi təzyiqlə bağlı deyilənləri təkzib edib.
Sahə rəisi müsavatçının polisə çağırılmasının qeydiyyat məsələsi ilə bağlı olduğunu bildirib: "Bütün vətəndaşlar kimi İlkin Bayram da qeydiyyat üçün dəvət olunub. Onun nə işlə məşğul olduğunu, hansısa dini təriqətə, yaxud partiyaya üzv olub-olmadığını soruşmuşuq. Məlum olub ki, Müsavat Partiyasının yerli təşkilatında sədr müavinidir".-05B-
Siyasət
-
Müsavat Partiyasının fəalı, keçmiş siyasi məhbus Əlikram Xurşidov Şirvan şəhərində, yaşadığı evdə həbs edilib.
-
ABŞ-ın Azərbaycandakı səfirliyinin sözçüsü Erin Robertson Azərbaycan xarici işlər naziri Ceyhun Bayramovun yanvarın 16-da Amerika Beynəlxalq İnkişaf Agentliyinin (USAID) 2024-cü il 1 iyun tarixindən Azərbaycanda fəaliyyət göstərməsinin de-yure mümkün olmaması ilə bağlı bəyanatı barədə Amerikanın Səsinin sorğusuna cavab verib.
-
Azərbaycandakı diplomatik missiyanı başa vuran ABŞ səfiri Mark Libbi yekun çıxış edib. Səfirliyin Facebook səhifəsində dərc olunan çıxışda deyilir:
-
Yanvarın 18-də prezident İlham Əliyev Türkiyənin xarici işlər naziri Hakan Fidanı qəbul edib.
Rəy yaz