• contact.az Contact
  • Bakı
  • Overcast10.20 C
  • Çərşənbə, 13 Noyabr 2024
    • flag_EN
    • flag_RU

Son yenilənmə

(5 saat əvvəl)
Müxalifətin üç liderinin görüşü
A- A A+
RU
Turan İnformasiya Agentliyi
Turan İnformasiya Agentliyi

Müxalifətin üç liderinin görüşü

 

Dünən Müsavat Partiyasının qərargahında Müsavat başqanı İsa Qəmbərin, AXCP sədri Əli Kərimlinin və "EL" hərəkatının təmsilçisi Eldar Namazovun iştirakı ilə üçtərəfli toplantı keçirilib. 
 
Tərəflər rəsmi açıqlama verməyib. Amma anlamaq çətin deyil ki, görüşün mövzularından biri 2013-cü ildə prezident seçkilərinin demokratik keçirilməsi üçün müxalifətin birləşməsidir. 
 
Onu da istisna etmək olmaz ki, məsləhətləşmələrdə müxalifətin vahid namizədi məsələsinə də toxunulub. Müşahidəçilər artıq qeyd edib ki, məhz bu üç siyasətçi vahid namizədin seçiləcəyi şort-vərəqi tərtib edə bilər. 
 
Hakimiyyət həmçinin vəziyyəti diqqətlə izləyir və təsadüfi deyil ki, son həftələr hakimiyyətyönlü KİV məhz bu “üçlüyə” hücum edir. 
 
Bu yaxınlarda Müsavat Partiyası məlumat verdi ki, görüş və danışıqların keçirildiyi İsa Qəmbərin kabinetində dinləmə cihazı qurulmuş ola bilər. Müsavat Partiyasından bir mərtəbə yuxarı FHN rəhbərinə məxsus “Gilan” strukturuna məxsusdur. 
 
Müsavatçılar hesab edir ki, bu ofisdən müxalifəti dinləyirlər. Amma dinləmə cihazının olduğunu yoxlamaq mümkün olmayıb. 
Azərbaycanda müxalifətin dinlənilməsi təcrübəsi çoxdan mövcuddur. 
 
7 il öncəAXCP qərargahında Əli Kərimlinin kabinetində dinləmə cihazı aşkarlanmışdı. Bu cür hərəkətlər qanunla qadağan edilsə də, hakimiyyət istintaq aparmaqdan imtina etdi. -06D- 

Rəy yaz

Siyasət

Bizi sosial şəbəkələrdə izləyin

Xəbər lenti