Nazirlər Kabinetinin 2013-cü ilin birinci yarısının sosial-iqtisadi inkişafının yekunlarına və qarşıda duran vəzifələrə həsr olunmuş iclası keçirilib
İyulun 18-də prezident İlham Əliyevin sədrliyi ilə Nazirlər Kabinetinin 2013-cü ilin birinci yarısının sosial-iqtisadi inkişafının yekunlarına və qarşıda duran vəzifələrə həsr olunmuş iclası keçirilib.
İlin birinci yarısında ümumi daxili məhsul 5 faiz , qeyri-neft sektoru təxminən 11% artıb. “Qarşımıza yaxın 10 il ərzində qeyri-neft sektorunu 2 dəfə artırmaq vəzifəsi qoymuşuq”, - deyə İ.Əliyev qeyd edib.
İnvestisiyalar xüsusi vurğulanıb – yarım ildə $12,5 mlrd sərmayə qoyulub. Bunun 7 mlrd-ı daxili sərmayədir. İlk dəfə etiraf edilib ki, daxili investisiyalar dövlət xərcləri hesabına formalaşır. Əliyev $5 mlr xarici sərmayəni ölkənin əcnəbilər üçün cəlbediciliyinin göstəricisi kimi təqdim edib. Amma mənbələr açıqlanmır. “İlin sonuna kimi bu sərmayələrin səviyyəsi 25 milyard dollara çatacaq”, - deyə İ. Əliyev bildirib .
Prezident qeyd edib ki, valyuta ehtiyatları ildən-ilə artır və bu gün 48 milyard dollardan çoxdur. Maaşlarda artım qeydə alınıb, orta maaş 520 dollar, orta pensiya 200 dollar səviyyəsindədir. Üçüncü rübdə maaşlar və pensiyalar artacaq, deyə Əliyev vurğulayıb.
Makroiqtisadi vəziyyət müsbətdir, dünyanın demək olar ki, bütün ölkələri Azərbaycanın iqtisadi inkişaf modelini əsas kimi götürüb. İnflyasiya 2% olub, əhalinin pul gəlirləri 7% artıb. Kənd təsərrüfatında 5% artım olub, - deyə Əliyev bildirib.
Regionların inkişafı proqramı sayəsində 6 ayda regionlarda 55 min yeni iş yeri açılıb. İlham Əliyevin 10 illik hakimiyyəti dövründə 1 mln 180 min yeni iş yeri açılıb. Prezident deyib ki, işsizlik cəmi 5%-dir, ilin sonu üçün daha da azalacaq. Amma bir sıra inkişaf etmiş ölkələrdə bu göstərici 10-25%-dir. Dövlət başçısı MDB, Türkiyə və başqa ölkələrə (30%) qazanc dalınca gedənləri xatırlatmayıb.
Dövlət başçısı Cənub Qaz marşrutunun seçilməsinin (TAP), İpək Yolu, BTC və Bakı-Tbilisi-Ərzurum qaz kəmərinin əhəmiyyətindən danışıb.
Dövlət başçısı İsraildən $1,6 mlrd, Rusiyadan $1 mlrd məbləğində silah alınması barədə rəqəmləri azaldılmış sayır. «Bizim hərbi-texniki əməkdaşlığımız daha böyük rəqəmlərlə ölçülür. Bütün informasiyanı açıqlaya bilərik, dövlət büdcəmiz şəffaf, xərclərimiz açıqdır», - deyə o, Ermənistan rəhbərliyinin acığına öyünüb.
«Biz güclü dövlətik. Gücümüz durmadan artır. Daha güclü olmaq üçün daha fəal olmalıyıq», - deyə İ. Əliyev yekunlaşdırıb. --17D—
Siyasət
-
İkinci gündür ki, Azərbaycan Baş Prokurorluğu ölkəyə pul vəsaitinin qaytarılmamasında ittiham olunan kənd təsərrüfatı məhsulları ixracatçılarının ifşa olunduğunu bildirir.
-
Günorta Kazanda BRİKS sammiti çərçivəsində Azərbaycan və Ermənistan liderlərinin ikitərəfli görüşü başlayıb. İlham Əliyev və Nikol Paşinyanın görüşündə iki ölkənin xarici işlər nazirləri, baş nazirin müavinləri və xarici siyasət üzrə köməkçilər də iştirak edirlər.
-
Günorta Kazanda BRİKS sammiti çərçivəsində Azərbaycan və Ermənistan liderlərinin ikitərəfli görüşü başlayıb. İlham Əliyev və Nikol Paşinyanın görüşündə iki ölkənin xarici işlər nazirləri, baş nazirin müavinləri və xarici siyasət üzrə köməkçilər də iştirak edirlər.
-
Cümə axşamı Avropa Parlamenti qəbul etdiyi qətnamədə Azərbaycanda insan hüquqlarının kobud şəkildə pozulmasını pisləyib. Sənəddə fəallara, jurnalistlərə və müxalifət liderlərinə qarşı repressiyalardan danışılır. Deputatlar bildiriblər ki, bu sui-istifadə halları COP29-un Bakıda keçirilməsilə bir araya sığmır. Avropa Parlamentinin üzvləri Avropa İttifaqını Bakıdan qaz asılılığına son qoymağa çağırıblar.
Rəy yaz