![Nazirlər Komitəsi Əli Kərimli ilə bağlı Avropa Məhkəməsinin qərarının yerinə yetirilməməsinə baxacaq](https://turan.az/resized/media/2016/main/111000174466-750-500-resize.webp)
Nazirlər Komitəsi Əli Kərimli ilə bağlı Avropa Məhkəməsinin qərarının yerinə yetirilməməsinə baxacaq
Avropa Şurasının Nazirlər Komitəsi Azərbaycan Xalq Cəbhəsi Partiyasının (AXCP) sədri Əli Kərimliyə ölkədən çıxışına qoyulmuş qadağanı Avropa İnsan Hüquqları Konvensiyasının pozuntusu kimi tanıması barədə qərarının Azərbaycan hökuməti tərəfindən yerinə yetirilməməsi ilə bağlı məsələni müzakirə edəcək. Müzakirə Nazirlər Komitəsinin dekabrın 6-8-də keçiriləcək iclasının gündəliyinə daxil edilib. Bu barədə vəkil İntiqam Əliyev Turan-a bildirib.
Əli Kərimliyə qarşı 1994-cü ilin sentyabrın 10-da cinayət işi qaldırılıb. Hüquq-mühafizə orqanları o zaman Ə.Kərimlinin cibindən qumbara tapılması barədə məlumat yayıb. 1994-cü ildə Kərimli saxlanılıb və bir müddət sonra azad buraxılıb.
Əli Kərimli bundan sonra iki çağırış deputata seçilib və dəfələrlə xarici ölkələrdə olub. 2006-cı ildə onun ümümvətəndaşlıq pasportunun müddəti başa çatıb və 1994-cü ildə ona qarşı qaldırılan cinayət işi əsas gətirilərək pasport verilməyib.
Ə.Kərimliyə pasport verilməməsi Azərbaycanda 2005-ci ildə keçirilən parlament seçkiləri ilə bağlı Avropa Şurası Parlament Assambleyasında müzakirələr zamanı onun Azərbaycan hökumətini kəskin tənqidi çıxışından sonraya təsadüf edir.
Avropa İnsan Hüquqları Məhkəməsi 2015-ci il iyulun 16-da Ə.Kərimlinin ümümvətəndaşlıq pasportu verilməməsi ilə bağlı şikayətini təmin edib. Məhkəmə bunu Avropa İnsan Hüquqları Konvensiyasına dair 4 saylı Protokolun 2-ci maddəsinin (hərəkət etmək azadlığı) pozuntusu kimi tanıyıb.
İntiqam Əliyevin sözlərinə görə, Əli Kərimli sonuncu dəfə 2016-cı ilin 11 sentyabrında Daxili İşlər Nazirliyinin Pasport-Qeydiyyatı İdarəsinə ümumvətəndaş pasportunun verilməsi barədə ərizə ilə müraciət edib, lakin bu günədək ona passport verilməyib. -03B-
-
- Cəmiyyət
- 10 Noyabr 2016 17:42
-
- Mədəniyyət
- 10 Noyabr 2016 18:02
Siyasət
-
Səhər saat 8-də Azərbaycan Milli Məclisinə növbədənkənar seçkilərdə səsvermə başlayıb. Səsvermə Azərbaycanın bütün ərazisində, o cümlədən işğaldan azad edilmiş torpaqlar da daxil olmaqla, 6478 seçki məntəqəsində keçirilir. Birpalatalı parlamentdə 125 yer uğrunda 990 namizəd mübarizə aparır.
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
Rəy yaz