Açiq mənbələrdən foto.
Bakı/21.05.21/Turan: Neftçala Rayon İcra Hakimiyyətinin sabiq başçısı İsmayıl Vəliyev və rayonun digər vəzifəli şəxslərinin cinayət işi üzrə məhkəmə prosesi başlayıb.
Sabunçu Rayon Məhkəməsinin inzibati binasında hakim Nizami Quliyevin sədrliyi ilə keçirilən prosesdə təqsirləndirilən şəxslərin anket məlumatları dəqiqləşdirilib. Məhkəmə baxışı mayın 31-nə təyin edilib.
Azərbaycan Dövlət Təhlükəsizliyi Xidmətinin məlumatına görə, keçən ilin fevralında qurum Neftçala rayonunda əməliyyat keçirib. Həmin əməliyyat nəticəsində azı 6 nəfər əsasən rüşvətə görə şübhəli şəxs qismində həbs edilib. Saxlanılan şəxslər rayon İcra Hakimiyyətinin başçısı İsmayıl Vəliyev, onun birinci müavini Vurğun Əkbərov, memarlıq və tikinti şöbəsinin müdiri Vüqar Nağıyev, ərazi idarəetmə və yerli özünüidarəetmə orqanları ilə iş şöbəsinin müdiri Anar Cəfərov, rayon Mərkəzi Xəstəxanasının baş həkimi Telman Zahidov və Təhsil şöbəsinin müdiri Əjdər Kərimovdur.
Ümumilikdə, son bir ildə Dövlət Təhlükəsizliyi Xidmətinin və baş prokuror yanında Korrupsiyaya Qarşı Mübarizə Baş İdarəsinin keçirdiyi əməliyyat tədbirləri nəticəsində bir sıra nazirliklərin yüksək vəzifəli şəxsləri, 6 rayonun icra başçıları, həmçinin çoxsaylı vəzifəli şəxslər həbs edilib. -16D-
Siyasət
-
Noyabrın 29-da Bakı Ağır Cinayətlər Məhkəməsində Elnur Nuriyevin sədrliyi ilə Demokratik Qüvvələrin Milli Şurasının (DQMŞ) və Müsavat Partiyasının üzvü Tofiq Yaqublunun işi üzrə növbəti iclas keçirilib.
-
Avropa Şurası Parlament Assambleyası (AŞPA) bu ölkədə dinc etirazların yatırılmasını pisləyib və ölkəni Avropa dəyərlərinə sadiq qalmağa çağırıb.
-
Azərbaycan DİN politoloq Azər Qasımlının həyat yoldaşı Samirə Qasımlının ölkədən çıxışına qoyulan qadağanı ləğv edib. Lakin onun xaricə səfəri baş tutmayıb, çünki o, aviareysə çata bilməyib.
-
Son iki gündə Azərbaycan Xalq Cəbhəsi Partiyasının (AXCP) 3 fəalı saxlanılıb. Onlardan ikisi barəsində inzibatı qaydada həbs seçilib. Bir fəal isə hələ polis bölməsində saxlanılır.
Rəy yaz