Dünən İran Azərbaycan vətəndaşları Fərid Hüseyn və Şəhriyar Hacızadənin saxlandığını təsdiq edib. Bu barədə Turan-a Azərbaycan Xarici İşlər Nazirliyinin mətbuat xidmətinin rəhbəri Elman Abdullayev bildirib.
Azərbaycan Xarici İşlər Nazirliyi bu il mayın əvvəllərində saxlanılanların taleyinə aydınlıq gətirilməsi ilə bağlı İrana nota göndərib. İran Xarici İşlər Nazirliyi isə dünən Azərbaycana cavab verib. “İranın cavabında deyilir ki, Azərbaycan vətəndaşları cinayətə təşəbbüs göstəriblər. Vətəndaşlarımızın hazırda harada saxlanması və saxlanmanın səbəbinin detallarına aydınlıq gətirilməyib”.
Azərbaycan tərəfi iyunun 21-də yenidən İran Xarici İşlər Nazirliyinə məktub göndərib və Təbrizdəki baş konsulluğun əməkdaşlarının Fərid Hüseyn və Şəhriyar Hacızadənin saxlanma şəraiti ilə tanış olması və saxlanma səbəbi barədə informasiya verilməsini istəyib.
Yerli sakinlərin mediaya verdiklərii məlumata görə, Azərbaycan vətəndaşları F.Hüseyn və Ş. Hacızadənin bu il mayın 2-də Təbrizdə bir neçə mülki şəxslər tərəfindən saxlanılaraq qeyri-müəyyən istiqamətə aparılıb.-03B-
Siyasət
-
Dövlət və hökumət başçıları COP29 iqlim konfransında iştirak etmək üçün Bakıya gəlməyə davam edirlər.
-
Çərşənbə axşamı dövlət katibi Entoni Blinken təyyarədən Türkiyənin xarici işlər naziri Hakan Fidana zəng edərək Yaxın Şərq və Cənubi Qafqazı müzakirə edib, səfər zamanı dövlət katibini müşayiət edən Turan-ın müxbiri bildirib.
-
BBC: BMT-nin Beynəlxalq Ədalət Məhkəməsi (ICJ) Azərbaycan və Ermənistanın qarşılıqlı iddialarını araşdırmağa razılaşıb. Hər iki ölkə bir-birini Dağlıq Qarabağdakı vəziyyətlə bağlı Bütün Formalı İrqi Ayrı-seçkiliyin Ləğv Edilməsi haqqında Beynəlxalq Konvensiyanı pozmaqda ittiham edir.
-
"Azərbaycan və Ermənistandan olan bir qrup hidroloq və mühəndis bizim fəal dəstəyimizlə transsərhəd çaylar üçün inteqrasiya olunmuş su idarəçiliyi sxemi üzərində birgə işləyir", bu barədə noyabrın 12-də ABŞ-ın Azərbaycandakı səfiri Mark Libbi X sosial şəbəkəsindəki hesabında yazıb.
Rəy yaz