Nigar Yaqublunun həbs müddəti uzadılıb
Çərşənbə axşamı Abşeron Rayon Məhkəməsində Müsavat Partiyasının fəalı Nigar Yaqublunun məhkəmə prosesi başlanıb. O, insan ölümülə nəticələnən avtomobil qəzasından sonra həbs olunub.
Vəkillər bildiriblər ki, N.Yaqublunun iki aylıq həbs müddəti noyabrın 10-da başa çatdığından onun hələ də həbsdə saxlanması qanunsuzdur.
Hakim İlham Kərimli isə bu barədə “qanunda boşluğun” olduğunu qeyd edib və bildirib ki, məhkəmə noyabrın 8-də həbsin daha 3 gün uzadılması barədə qərar verib.
N.Yaqublunun vəkilləri bu qərara etiraz ediblər. Vəkillər həmçinin N.Yaqublunun həbsinin ev dustaqlığına dəyişilməsi barədə vəsatət qaldırıblar. Lakin vəsatət rədd edilib.
Avqust ayında Müsavat Partiyasının fəalı Aydın Acalovun ölümü ilə nəticələnən yol qəzasından sonra qəza zamanı avtomobildə olan N.Yaqublu sentyabrın əvvəllərində şübhəli şəxs qismində saxlanılıbb və onun barəsində 2 ay müddətində həbs qətimkan tədbiri seçilib.
Tərəfdarları onun barəsində həbs qətimkan tədbirinin seçilməsini qanunsuz hesab edirlər. Bu qərarın əleyhinə verilmiş apellyasiya şikayəti rədd edilib.
Bazar ertəsi 10 nəfər millət vəkili N.Yaqublunun işi üzrə istintaqın başa çatmasını nəzərə alaraq, onun həbsinin ev dustaqlığı ilə əvəz olunması xahişilə məhkəməyə müraciət edib.
N.Yaqublunun məhkəməsi noyabrın 23-də davam edəcək.-0-
-
- Cəmiyyət
- 14 Noyabr 2012 13:59
-
- Foto sessiyalar
- 14 Noyabr 2012 14:11
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz