Nigar Yaqublunun həbsi siyasi xarakter daşıyır

Müsavat Partiyasının gənc fəalı Nigar Yaqublunun işi üzrə istintaq qanun pozuntuları ilə aparılır, onun həbsi isə siyasi xarakter daşıyır. Bu barədə Media Mərkəzdə keçirilən bugünki mətbuat konfransında onun vəkilləri və hüquq müdafiəçiləri bildiriblər.

Xatırladaq ki, Yaqublu avqustun 25-də baş vermiş YNH haqqında iş üzrə təqsirləndirilir. Hadisə nəticəsində Müsavat Partiyasının məclis üzvü Aydın Acalov həlak olub. İstintaq məlumatlarına görə, qız sürücü vəsiqəsi olmadan sükan arxasında olub.

Onun idarə etdiyi Acalovun “Pejo” markalı avtomobili Bakı-Şamaxı avtomobil yolunda “Kamaz”la toqquşub.

Mərhumun ailə üzvlərinin Yaqubluya qarşı iddiası olmamasına baxmayaraq,  sentyabrın 11-də Abşeron rayon məhkəməsi 2 ay müddətinə həbs edib. 

Vəkil Nemət Kərimli həbsin əsassız olduğunu bildirib. Qız istintaqdan yayınmayıb, baxmayaraq ki, qəzadan sonra onun səhhəti ifadə verməsinə imkan vermirdi.

Apellyasiya Məhkəməsi həbs qətimkan tədbirinin ləğv edilməsi və ya ev dustaqlığı ilə əvəz edilməsindən etiraz qərarını qüvvədə saxlayıb.

İkinci vəkil Adil İsmayılov qeyd edib ki, prokurorluq nümayəndələri dəvət edilsələr də, mətbuat konfransına gəlməyiblər. O, Yaqublunun həbsi üçün real dəlillərin olmadığını bildirib. “Söhbət ittihamın mahiyyətindən deyil, qətimkan tədbirinin əsassızlığından gedir”, deyə o qeyd edib. İttihamın özünə gəlincə, müdafiə tərəfi öz mövqeyini ekspertiza nəticələri elan edildikdən sonra bildirəcək, deyə vəkil qeyd edib.

İsmayılov baş prokurorun birinci müavini Rüstəm Usubovun istintaq yekunlaşmadan Yaqublunun təqsirli olduğunu bildirməklə, təqsirsizlik prezumpsiyasını pozduğunu bildirib. 

Yaqublunun hüquqlarını müdafiə edən hər kəs kimi, İsmayılov da müvəkkilinin həbsinin siyasi xarakterli olduğunu və müxalifətçi olduğu üçün ona qarşı xüsusilə sərt cəzalar seçildiyini bildirib.

Hüquq müdafiəçisi, HVA AMK rəhbəri Arzu Abdullayeva Yaqubluya qarşı qərəzli münasibət olduğuna diqqət çəkib. Bir halda ki, belə cinayət işlərində məhkəmə başa çatmadan həbs qərarı qəbul edilmir, xüsusən də qızlar barəsində.

Vəkillər və hüquq müdafiəçiləri Yaqublunun müdafiəsi üzrə ictimai kampaniyanı gücləndirmək niyyətindədirlər. -16C06-