Yerevan/08.05.18/Turan: Bakı vaxtı ilə saat 13:30-da Ermənistan parlamenti Nikol Paşinyanı ölkənin baş naziri seçib. Onun namizədliyinin lehinə 58 deputat səs verib, 42 nəfər əleyhinə olub, bitərəf olmayıb.
N.Paşinyan deputatların qarşısındakı çıxışında ölkənin problemləri ilə bağlı düşüncələrindən və onların həlli yollarından danışıb. Qarabağ mövzusuna toxunan N.Paşinyan deyib ki, bu məsələnin həlli üçün Azərbaycanla danışıqlara hazırdır.
N.Paşinyanın 100 minə yaxın tərəfdarı parlamentin qarşısına toplaşaraq onun qələbəsini qeyd edir.02B-
* * *
2018 May 08 (Çərşənbə axşamı) 13:42:25
Ermənistanda baş nazir seçkisi keçiriləcək
Yerevan/08.05.18/Turan: Bu gün Ermənistan parlamentində Nikol Paşinyanın baş nazir postuna namizədliyi üzrə səsvermə keçiriləcək.
Bir həftə öncə hakim Ermənistan Respublika Partiyası (ERP) etiraz hərəkatının liderinin seçilməsini əngəlləmişdi. Bundan öncə isə partiyanın lideri Serj Sarkisyan xalqın təzyiqilə baş nazir postundan gedib.
N.Paşinyanın namizədliyini dəstəkləməkdən imtina Ermənistanda yeni etirazlara yol açıb. Bundan sonra ERP onun hökumət başçısı postuna seçilməsini dəstəkləməyə razılaşıb. Bunun baş tutması üçün 105 deputatın 53-ü Paşinyana səs verməlidir.
Mayın 1-də səsvermə zamanı onun namizədliyinə 45 deputat səs verib, ERP fraksiyasını təmsil edən 56 deputat buna qarşı çıxıb.
Qeyd edək ki, "Yelk" parlament fraksiyasının rəhbəri Nikol Paşinyan baş nazir postuna yeganə namizəddir. Əgər parlament bu gün də baş naziri seçə bilməsə, parlament buraxılacaq və yeni növbədənkənar seçkilər təyin ediləcək.
Belə ssenari ilə ERP seçkilər zamanı icra hakimiyyəti üzərində nəzarəti saxlayacaq ki, müxalifət bununla razı deyil.
Ermənistan parlamentində gələcək baş nazir məsələsinin müzakirə olunduğu bir vaxtda on minlərlə vətəndaş yenə də Yerevanın mərkəzində Respublika meydanında toplaşmağı planlaşdırır.-02D-
Siyasət
-
Noyabrın 26-da Moskvada MDB ölkələri təhlükəsizlik xidmətləri rəhbərlərinin iclasında "Qərbin MDB məkanında sabitliyi pozulmasına yönəlmiş çoxşaxəli səyləri" fonunda MDB ölkələrinin təhlükəsizliyini təmin etmək üçün xüsusi xidmət orqanlarının əməkdaşlığı məsələlərinə baxılıb.
-
Bu il Azərbaycan-NATO münasibətlərində mühüm bir mərhələni qeyd edir: "Sülh Naminə Tərəfdaşlıq" (PfP) proqramına qoşulmasının 30-cu ildönümü. Noyabrın 26-da Bakıda keçirilən yubiley konfransı əməkdaşlıq yolunu nəzərdən keçirmək, nailiyyətləri və problemləri vurğulamaq və gələcək istiqamətləri müəyyənləşdirmək üçün görkəmli şəxsləri bir araya gətirdi.
-
Noyabrın 26-da ABŞ-ın vasitəçiliyilə İsrail və “Hizbullah” Hərəkatı arasında Livan və İsrail arasındakı sərhəddə atəşkəs haqqında saziş əldə edilib. Saziş ötən gecə qüvvəyə minib.
-
ABŞ Azərbaycanın NATO-nun Sülh Naminə Tərəfdaşlıq Proqramında aktiv rolunu və NATO ilə tərəfdaşlıq üzrə davamlı öhdəliyini yüksək qiymətləndirir. Bu barədə ABŞ-ın Azərbaycandakı səfirliyinin Azərbaycanın NATO-nun Sülh Naminə Tərəfdaşlıq Proqramına qoşulmasının 30 illiyi münasibətilə yaydığı məlumatda deyilir.
Rəy yaz