Nils Mujnieks vətəndaş cəmiyyətinin fəalları ilə görüşlər keçirir
Avropa Şurasının insan hüquqları üzrə komissarı Nils Mujnieks çərşənbə günü Bakıda vətəndaş cəmiyyətinin nümayəndələri ilə görüş keçirir.
O, Sülh və Demokratiya İnstitutunun (SDİ) lideri Leyla Yunusla ikisaatlıq söhbət edib. L.Yunus Turan-ın müxbirinə bildirib ki, N.Mujnieks əsasən mülkiyyət hüquqlarının pozulması və siyasi məhbuslar məsələsi ilə maraqlanıb. L.Yunus mülkiyyət hüquqlarının kütləvi şəkildə pozulması, vətəndaşların zorla evlərindən çıxarılması, şəhər meri və Əmlak Məsələləri Dövlət Komitəsinin rəhbərinin qanunsuz sərəncamlarından danışıb.
L.Yunus “Qış bulvarı”nın salınması ilə bağlı Bakı merinin sərəncamını qeyd edib. Bu sərəncam əsasında söküntü zonası genişlənib. Belə ki, 2009-cu il 24 sentyabr sərəncamına əsasən 4 küçədə, 2011-ci il 16 fevral sərəncamına əsasən 6 küçədə evlərin sökülməsi nəzərdə tutulub. Digər sərəncama görə, 12 küçədə söküntü işləri aparılıb”, - L.Yunus bildirib.
Onun məlumatına görə, son illər Bakıda 100 minə yaxın adamın mülkiyyət hüququ pozulub və bu proses davam edir.
Siyasi məhbuslar probleminə toxunan L.Yunus deyib ki, yanvarın 23-də AŞPA-da Kristofer Ştrasserin Azərbaycanda siyasi məhbuslara dair hesabatı təsdiqlənməyəndən sonra vəziyyət pisləşib. Hazırda siyasi məhbusların sayı 80 nəfəri ötür.
N.Mujnieks vəkil Fuad Ağayevlə görüşüb, REAL hərəkatının lideri İlqar Məmmədovun işi ilə maraqlanıb. F.Ağayev İsmayıllı hadisələri ilə əlaqədar həbs olunan İ.Məmmədova qarşı ittihamların əsassız olması barədə komissara məlumat verib. Strasburq məhkəməsi növbədənkənar qaydada İ.Məmmədovun qanunsuz həbsilə bağlı şikayətinə baxmağa başlayıb.
Görüş zamanı vətəndaşların mülkiyyət hüquqlarının pozulması mövzusuna da toxunulub. İş üzrə şikayətlərdən 15-i Avropa İnsan Hüquqları Məhkəməsinə göndərilib.
N.Mujnieks bloger Əli Novruzovla da görüşüb. Söhbət zamanı İnternet azadlığı ilə bağlı məsələlər müzakirə olunub. 06B--
-
- Cəmiyyət
- 22 May 2013 15:13
-
- İqtisadiyyat
- 22 May 2013 15:37
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz