Новруз Мамедов
Novruz Məmmədov konqresmenlərə demokratiyadan danışıb
Bakı/03.05.18/Turan: Mayın 3-də baş nazir Novruz Məmmədov Azərbaycanda səfərdə olan ABŞ Konqresi Nümayəndələr Palatasının nümayəndə heyəti ilə görüşüb.
N.Məmmədov səfərin ikitərəfli münasibətlərin inkişafı ilə bağlı məsələlər ətrafında müzakirələr aparmaq üçün yaxşı fürsət olduğunu diqqətə çatdırıb.
Hökumət başçısı qeyd edib ki, Azərbaycan müstəqilliyini bərpa etdikdən sonra ABŞ ilə əlaqələrin genişləndirilməsinə xüsusi önəm verib. "Bu gün demokratik inkişaf yolu ilə irəliləyən Azərbaycan həmin yola sadiqdir. Həm ABŞ, həm də Avropa İttifaqı ilə əlaqələri uğurla davam etdirir",- o vurğulayıb.
Amerika nümayəndə heyətinin rəhbəri Robert Qudlat (məhkəmə hakimiyyəti məsələləri üzrə komitənin sədri) iki ölkə arasındakı münasibətlərin yüksək səviyyədə olduğunu qeyd edib. Onun sözlərinə görə, Azərbaycan ilə əməkdaşlıq ABŞ üçün dəyərlidir.
Görüş zamanı iqtisadi-ticari əlaqələrin daha da genişləndirilməsi və qarşılıqlı maraq doğuran digər məsələlərlə bağlı fikir mübadiləsi aparılıb.-06D-
Siyasət
-
Çərşənbə günü dövlət başçısı İlham Əliyev Böyük Britaniyanın beynəlxalq enerji və iqlim üzrə naziri Keri Makkartini qəbul edib.
-
Oktyabrın 9-da dövlət başçısı İlham Əliyev BMT Baş katibinin birinci müavini Amina Mohammedi qəbul edib və onunla COP29-a hazırlıq məsələlərini müzakirə edib.
-
Gürcüstanda həbsdə olan Azel TV saytının rəhbəri Əfqan Sadıqov vəziyyətinin ağır olmasına baxmayaraq, penitensiar müəssisənin xəstəxanasında aclığı davam etdirir və tibbi yardımdan imtina edir, bu barədə Turan-a onun həyat yoldaşı bildirib.
-
Oktyabrın 9-da dövlət başçısı İlham Əliyev ABŞ Prezidentinin Beynəlxalq İqlim Siyasəti üzrə baş müşaviri Con Podestanı qəbul edib. Podesta COP29-la bağlı azərbaycanlı həmkarlarla çox səmərəli və məhsuldar söhbətlərin aparıldığını deyib və Azərbaycan prezidenti ilə COP29 barədə fikir mübadiləsi aparmaqdan məmnunluq hissi keçirdiyini vurğulayıb.
Rəy yaz