![Novruz Məmmədov: Sarkisyan öz xalqına pis xidmət göstərib](https://turan.az/resized/750/500/resize/media/2016/main/042700154215.jpg)
Novruz Məmmədov: Sarkisyan öz xalqına pis xidmət göstərib
Ermənistan prezidentinin danışıqlardan imtina etməsi pis əlamətdir. Bununla o, öz xalqına pis xidmət göstərib. Bu barədə Azərbaycan Prezident Administrasiyasının sədr müavini Novruz Məmmədov bildirib.
Bu zaman o qeyd edib ki, Azərbaycan münaqişəni dinc yolla həll etmək niyyətindədir. “Biz 20 ildən çoxdur bunu etməyə çalışırıq. Amma belə bir imkan yaranan kimi Ermənistan tərəfi danışıqları pozur. 2009 və 2014-cü illərdə, indi isə aprelin əvvəllərində artıq belə olub. Ermənilər təxribata əl atıblar və layiqli cavabı alıblar”, deyə o, jurnalistlərlə söhbətində bildirib.
Bir müddət əvvəl Sivilizasiyalararası Qlobal Forumda Məmmədov qeyd edib ki, Qarabağ münaqişəsi məsələsində vasitəçilər beynəlxalq prinsiplərə istinad etmir. Bu münaqişənin əsasında geosiyasi ambisiyalar durur. “Qarabağ ətrafında 7 rayon işğal edilib, amma bu barədə nə danışmamağa, nə bunu görməməyə çalışırlar. Yəni beynəlxalq hüquq normaları tamamilə nəzərə alınmır.
Bu, BMT Təhlükəsizlik Şurasının 4 məşhur qətnaməsinə də aiddir. Bu barədə ümumiyyətlə xatırlamırlar. Bu ədalətsizlik dünyanın bir çox regionlarında münaqişələrin və faciələrin səbəbidir”, deyə Məmmədov bildirib.
Məmmədovun fikrincə, bütün bu proseslərin arxasında böyük dövlətlərin maraqları durur. “Ədalət ona görə yoxdur ki, böyük dövlətlər bunu istəmir”, deyə o bildirib. -16D-
-
- Cəmiyyət
- 27 Aprel 2016 13:26
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz