Prezident İlham Əliyev.
Bakı/27.12.21/Turan: Prezident İlham Əliyev 2021-ci il noyabrın 16-da Kəlbəcər və Laçın rayonları ərazisindəki Azərbaycan–Ermənistan dövlət sərhədində döyüş tapşırıqlarını yerinə yetirərkən şücaət və fədakarlıq göstərən Müdafiə Nazirliyinin hərbi qulluqçularının təltif edilməsi barədə sətrəncam imzalayıb.
Sərəncama görə, döyüşlər zamanı həlak olan hərbi qulluqçular leytenant Ümid Niftəliyev və gizir Orxan Cabarov 3-cü dərəcəli “Rəşadət” ordeni ilə , kiçik çavuş Natqi Əliyev, əsgərlər Elçin Ağayev, Elvin Əliyev, Elmin Əlizadə, Murad Xəlilov “Vətən uğrunda” medalı ilə təltif ediliblər.
Bununla yanaşı 90-dək döyüşçü “İgidliyə görə”, “Cəsur döyüşçü” , “Döyüşdə fərqlənməyə görə” və “Hərbi xidmətlərə görə” medalları ilə təltif olunub.
2021-ci il noyabrın 16-da Azərbaycan- Ermənistan sərhədində artilleriyanın tətbiqi də daxil olmaqla, lokal döyüşlər olub. Döyüşlər Rusiyanın təşəbbüsü ilə dayandırılıb.
Azərbaycan Müdafiə Nazirliyinin məlumatına görə, döyüşlər zamanı Azərbaycan ordusunun 7 hərbçisi həlak olub, 10 hərbçi yaralanıb.
Ermənistan Müdafiə Nazirliyinin məlumatına görə, döyüşlər zamanı bu ölkənin 6 hərbçisi həlak olub, 13 hərbçisəsir düşüb, 18 əsgərinin taleyi məlum deyil. -03-
Siyasət
-
COP29 iqlim sammitində əldə edilən razılaşma BMT Baş Katibi Antoniu Quterreş tərəfindən iqlim dəyişikliyinə qarşı qlobal səylərdə mühüm addım kimi qiymətləndirilib. Yüksək səviyyəli müzakirələrin yekununda çıxış edən Quterreş, bu razılaşmanın qlobal istiləşməni 1,5°C həddində saxlamaq məqsədini qorumaq üçün həlledici olduğunu vurğulayıb. Bu hədd iqlim dəyişikliyinin ən pis təsirlərini qarşısını almaq üçün kritik hesab olunur.
-
Noyabrın 23-də Bakıda BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) keçirildiyi məkanda müxtəlif ölkələrdən olan ekofəlallr liderlərin kifayət qədər iqlim maliyyəsi ödənilməsi barədə razılığa gələ bilməməsinə etiraz olaraq aksiya keçirib.
-
Bakıda COP29 iqlim konfransının bağlanışı ərəfəsində Beynəlxalq Jurnalistləri Müdafiə Komitəsi Azərbaycanda həbs olunmuş jurnalistlərin cinayət işlərinə diqqəti yönəldib.
-
Bakıda keçirilən BMT-nin İqlim Dəyişikliyi üzrə Çərçivə Konvensiyasının (UNFCCC) 29-cu sessiyası üzrə danışıqlar 24 noyabr tarixinə qədər uzadılıb. Bu barədə UNFCCC Katibliyindən bir mənbə Turan informasiya agentliyinə məlumat verib. Mənbənin sözlərinə görə, iştirakçılar həmin tarixə qədər yekun sənədləri razılaşdırıb imzalamağı planlaşdırırlar.
Rəy yaz