Obama Rusiyanın Ukraynaya müdaxiləsini yolverilməz sayır
Martın 1-nə keçən gecə BMT Təhlükəsizlik Şurası Ukraynadakı vəziyyətə dair qapalı iclas keçirib. İclasın yekunlarına əsasən ABŞ Krımda baş verən hadisələrlə bağlı narahatlığını bildirib. TŞ Ukraynanın ərazi bütövlüyünü dəstəkləyərək tərəfləri siyasi dialoqa çağırıb və beynəlxalq müqavilələrin, o cümlədən Budapeşt memorandumunun yerinə yetirilməsinin vacibliyini xatırladıb.
ABŞ-ın BMT-dəki daimi nümayəndəsi Samanta Pauer bildirib ki, Vaşinqton “Rusiyanın Krıma hərbi müdaxiləsi barədə xəbərlərdən çox narahatdır”, - Reuters bildirib. Diplomat Rusiya hakimiyyətini yarımadanı dərhal tərk etməyə çağırıb.
ABŞ prezidenti Barak Obama da vəziyyətlə bağlı narahatlığını bildirib. “Ukraynanın müstəqilliyinin və ərazi bütövlüyünün posulması ciddi nəticələr verəcək”, - amerikalı lider Ağ Evdə mətbuat konfransında bəyan edib. ABŞ dünya birliyi ilə birgə əmindir ki, Ukraynaya istənilən müdaxilə baha başa gələcək.
Lakin Obama qeyd edib ki, ABŞ “Aİ-dəki tərəfdaşları ilə vəziyyəti müzakirə edəcək və Rusiya hakimiyyəti ilə birbaşa əlaqə saxlayacaq”, - RİA-Novosti bildirib.
TŞ-də keçirilən görüşün yekunları ilə bağlı S.Pauer vəziyyətin nizamlanması üçün Ukraynada beynəlxalq vasitəçilik missiyasının təşkilinin vacibliyinə tərəfdar olduğunu bildirib. “ABŞ təcili olaraq Krımda beynəlxalq vasitəçilik missiyasının yaradılmasına çağırır. Bu, gərginliyi azaltmağa, tərəflərin iştirakı ilə səmərəli və dinc dialoqun başlanmasəna imkan yaradar”, - o vurğulayıb.
Böyük Britaniyanın daimi nümayəndəsi Mark Layall Qrant da missiyanın yaradılmasına tərəfdar olduğunu bildirib. O qeyd edib ki, bundan ötrü TŞ-nin xüsusi qərarının olması vacib deyil. -02D-
Siyasət
-
Rusiya və İran prezidentləri Vladimir Putin və Məsud Pezeşkian yanvarın 17-də Moskvada danışıqlar aparacaqlar və mətbuata açıqlama verəcəklər, bu barədə Kremlin mətbuat xidməti məlumat yayıb.
-
Yanvarın 13-də Bakı Ağır Cinayətlər Məhkəməsində hakim Aygün Qurbanovanın sədrliyi ilə ictimai fəal Nicat İbrahimin cinayət işi üzrə məhkəmənin hazırlıq iclasında Nicat İbrahim "qanunsuz" həbsinə və məhkəmənin gedişinə etiraz olaraq məhkəmə zalında saxlanıldığı şüşə qəfəsə başı ilə zərbələr endirərək intihara cəhd edib.
-
Beynəlxalq Narahat Alimlər Komitəsi həbs edilmiş tədqiqatçı İqbal Əbilovun azad edilməsinə köməklik göstərmək xahişi ilə Azərbaycan prezidenti İlham Əliyevə müraciət edib.
-
Gürcüstanın XİN başçısı Maka Boçorişvili dünən Azərbaycanın Gürcüstandakı səfiri Faiq Quliyevlə görüşüb.
Rəy yaz