Korrupsiya və Mütəşəkkil Cinayətkarlığın Araşdırılması üzrə Analitika Mərkəzinin (OCCRP) dərc etdiyi məruzəyə əsasən, İlham Əliyevin böyük qızı Leylanın Moskva yaxınlığında milyonlarca dəyəri olan villası var.
Əliyevanın Rusiyadakı bağ evi Moskvadan 7 km. məsafədə, güclü mühafizə olunan elit “Mayendorf bağları” qəsəbəsində, Rublyovka yolunda yerləşir.
Əliyevanın qonşuları arasında Forbes siyahısındakı milyonerlər – Kristina Orbakaytenin keçmiş həyat yoldaşı Ruslan Baysarov (Çeçenistan rəhbəri Ramzan Kadırovun yaxın dostu), “Rosneft”in keçmiş prezidenti Sergey Boqdançikovun oğlu Aleksey, Novolipetski Metallurgiya Kombinatının sahibi Vladimir Lisin, “Proqress Kapital”ın Direktorlar Şurasının üzvü və həmsahibi Olqa Belyavtseva, Dövlət Dumasının bir neçə deputatı və digər yüksək vəzifəli şəxslər var.
Əliyevanın evindən bir neçə dəqiqəlik məsafədə Novo-Oqarevo – Rusiya prezidenti Vladimir Putinin özəl qəbulları üçün tez-tez istifadə etdiyi iqamətgah var.
Qəsəbə SSRİ vaxtlarında məşhur olan partiya kuratoru Barvixin torpaqlarında tikilib.
OCCRP-nin sənədlərinə əsasən, Leyla Əliyeva Rublyovkadakı evi 2006-cı ilin mayında, Emin Ağalarovla ailə qurduqdan dərhal sonra alıb. Onun malik olduğu ərazinin 76 sota yaxın sahəsi var. Ərazidə müvafiq olaraq 577 və 581 kv. metrlik iki ev var. Ərazi şam meşələri ilə əhatə olunub, yaxınlıqda göl yerləşir.
Ekspertlərin qiymətləndirmələrinə görə, Əliyevanın bağı, bu yaxınlarda Rusiyada elit daşınmaz əmlakın qiymətlərinin ucuzlaşmasını nəzərə almaqla belə, on milyonlarla dollar dəyərindədir. Orta hesabla qəsəbədə evlər 37 mln. dollardan satılır.
OCCRP Əliyevlər ailəsinə məxsus olan və ya onların nəzarəti altında olan bir neçə biznes haqqında məlumat yayıb. Xatırladaq ki, hazırda həbs edilmiş məşhur jurnalist Xədicə İsmayılova Azərbaycan prezidentinin qızlarının ölkənin ən böyük rabitə operatoru olan Azercell-ə və Azerfon telekom şirkətinə (Azərbaycanın mobil rabitə bazarının dörddə üçü) nəzarət etdiyini üzə çıxarıb. Bundan başqa, ailəyə Dubayda və Azərbaycanda bir neçə təmtəraqlı otel və kurort və daşınmaz əmlak obyekti məxsusdur. -02D-
Siyasət
-
Bu gün Bayraq Meydanında Azərbaycanın dövlət bayrağı qaldırılıb.
-
"44 günlük Vətən müharibəsi bizim şanlı tariximizdir, parlaq Qələbəmizdir. Biz həm Birinci Qarabağ müharibəsinin, həm İkinci Qarabağ müharibəsinin, eləcə də antiterror əməliyyatının şəhidlərinin qanını döyüş meydanında aldıq, öz ərazi bütövlüyümüzü, suverenliyimizi bərpa etdik". Bu barədə noyabrın 8-də dövlət başçısı İlham Əliyev Bakıda Zəfər Parkının açılış mərasimində bildirib.
-
Azərbaycan Talışları İctimai Şurasının (ATİŞ) üzvü, ehtiyatda olan polkovnik Mikayıl Hacıyev noyabrın 7-də Bakıdan Yekaterinburqa gedə bilməyib. Bu barədə Turan Agentliyinə o özü bildirib.
-
Noyabrın 7-də Bakının Xətai Rayon Məhkəməsində Abzas Media nəşrinin direktoru Ülvi Həsənlinin ev dustaqlığına keçirilməsi haqqında vəsatətə baxılıb. Dinləmələr iş günündən sonra, saat 19.15-də keçirilib, bu barədə vəkil Zibeydə Sadıqova bildirib. Bu, Həsənlinin prosesdə onlayn iştirak etməkdən imtina etməsi və prosesdə iştirak etməkdə israr etməsi səbəbindən baş verib.
Rəy yaz