Beynəlxalq İnsan Hüquqları Federasiyası (FİDH) və İşgəncələrə qarşı Ümumdünya Təşkilatının (OMST) birgə proqramı olan Hüquq Müdafiəçilərinin Hüquqlarını Müdafiə Rəsədxanası dərhal Azərbaycanda həbs edilmiş Hilal Məmmədovun işinə müdaxilə etməyə çağırıb.
OMST-un press-relizində deyilir ki, Nəsimi rayon məhkəməsi hüquq müdafiəçisi və “Tolışi Sədo” qəzetinin redaktoru Hilal Məmmədovun işinin araşdırılması zamanı qeyri-insani rəftar və işgəncələrlə bağlı şikayətini təmin etməyib. Hakim təhqiqatın qapalı keçirilməsi haqqında qərar qəbul edərək, jurnalistləri və Məmmədovun hüquqlarını müdafiə komitəsinin üzvlərini iclasda iştirakdan məhrum edib.
Bundan əvvəl baş prokurorun müavini də Hilal Məmmədovun həbsdə saxlandığı ilk günlərdə də işgəncələrə məruz qalması haqqında hələ iyunda verdiyi şikayətin araşdırılmasına başlamaqdan imtina edib.
Rəsədxana məhkəmənin özbaşına qərarını qəti şəkildə pisləyir və açıq-aşkar Məmmədovu susdurmaq cəhdi kimi qiymətləndirir. Rəsədxana xatırladır ki, hakimiyyət öz öhdəliklərini yerinə yetirməli və saxlanılan şəxslərə qarşı işgəncələrə və digər ləyaqəti alçaldan rəftara yol verməməlidir.
Rəsədxana bütün səlahiyyətli hakimiyyətləri tez, ətraflı və qərəzsiz təhqiqat aparmağa və bütün təqsirliləri müəyyən etməyə çağırır. Qəzetin Hilal Məmmədovdan əvvəlki redaktoru Novruzəli Məmmədovun həbsdə qeyri-insani rəftardan vəfat etdiyini nəzərə alaraq, Rəsədxana Azərbaycan hakimiyyətini Hilal Məmmədovun fiziki və psixoloji toxunulmazlığına zəmanət verməyə və onu dərhal və qeyd-şərtsiz azad etməyə, habelə ona qarşı davam edən məhkəmə təqiblərinə son qoymağa çağırır.
Press-relizdə Azərbaycan rəhbərliyinin adına yuxarıda qeyd edilən tələblərin yerinə yetirilməsi tələbi ilə müraciət yazmaq çağırışı yer alır.
21 iyun 2012-ci ildə Hilal Məmmədov Cinayət Məcəlləsinin 234.4.3-cü (böyük miqdarda narkotik vasitənin qanunsuz hazırlanması, əldə edilməsi, saxlanması, başqasına verilməsi, daşınması və ya satışı) maddəsi ilə həbs edilib. Hakimiyyət onun üzərindən 5 qrama yaxın, mənzilindən isə 30 qrama yaxın heroin aşkar etdiyini iddia edirdi. Bu maddə 12 ilədək azadlıqdan məhrumetmə cəzası nəzərdə tutur. -02D-
Siyasət
-
"Təyyarə Rusiya ərazisində, Qroznı səmasında vurulub. Bunu inkar etmək qeyri-mümkündür", - bunu yerli və beynəlxalq medialarda mənbələrə istinadən Bakı-Qroznı marşrutu üzrə hərəkət edən "Azərbaycan Hava Yolları"nın təyyarəsinin Rusiya havadan hücum müdafiə sistemləri tərəfindən vurulması ilə bağlı xəbərini Turana şərh edərkən deputat Rasim Musabəyov deyib.
-
Azərbaycan hökumətindəki mənbələr cümə axşamı Euronews-a çərşənbə günü AZAL-ın təyyarəsinin Aktauda qəzaya uğramasına Rusiyanın "yer-hava" tipli raketin səbəb olduğunu eksklüziv olaraq təsdiq ediblər.
-
Avropa Şurasının baş katibi Alen Berse "Azərbaycan Hava Yolları"nın təyyarəsinin Qazaxıstanda çox sayda insanın həlak olmasına səbəb olan faciəvi qəzası ilə əlaqədar başsağlığı verib və dərin kədərini ifadə edib.
-
Aktauda təyyarəmizin qəzaya uğraması bir neçə suala cavab tələb edir: 1. Bu qəzada həlak olanların çoxları əvvəllər qatar və ya avtonəqliyyat vasitəsi ilə Şimali Qafqaza gedən şəxslərdir. Azərbaycan illərdir quru sərhədlərini bağlı saxlamasaydı, bu qurbanlar olmaya bilərdi.
Rəy yaz