Oqtay Əsədov Azərbaycan rəhbərliyinə qarşı sanksiyalar barədə qanun layihəsindən qorxmur

Cümə günü Milli Məclisin növbəti plenar iclası acılıb.

İclasda ABŞ Konqresinin Azərbaycan hakimiyyətinə qarşı sanksiyaların tətbiqinə dair qanun layihəsinin müzakirəsi keçirilir.

Spiker  Oqtay Əsədov iclası açaraq dərhal   “2015 Azərbaycan Demokratiya Aktı” qanun layihəsi barədə məsələ qaldırıb.

“ABŞ-ın Helsinki Komissiyasının sədri konqresmen Kris Smit vaxtilə Demokratlar Partiyasının üzvü, sonra Respublikaçılar Partiyasının üzvü olub, indi də Ermənistan diasporunun üzvüdür”, - spiker bildirib.

Eyni zamanda o, bu sənəddən ehtiyatlanmamağa çağırıb. “Bəzi jurnalistlər bunu şok hadisə kimi təqdim edirlər. Bunun nəyi şokdur? Bu, adi bir komissiyadır. Məsələni bu bu cür şişirtmək çox böyük səhvdir. Kris Smit adi bir konqresmendir“, - spiker bu qanun layihəsinin Konqresdən keçməyəcəyini bildirib.

Sonra O.Əsədov deyib ki, K. Smitin bu hərəkəti iki məqsəd daşıyır.

“Dekabrın sonlarında əfv fərmanının imzalanması gözlənilir. İstəyirlər desinlər ki, guya biz dedik, Azərbaycan hökuməti də o adamları buraxdı. İkincisi istəyirlər ki, onların adını çəkdiyi adamlar buraxılmasın və bundan da Azərbaycana qarşı təzyiq vasitəsi kimi istifadə etsinlər. Onlar bu yolla Azərbaycanı təxribata çəkmək istəyirlər”, - spiker vurğulayıb.-16d-