Bu ilin 11 ayında Azərbaycanda 202,5 min ton tikinti armaturu istehsal edilib ki, bu da 2015-ci ilin 9 ayında ölkəyə gətirilən bu nomenklaturada maldan 4,8% azdır.
Dövlət Statistika Komitəsinin (DSK) məlumatına görə, yanvar-noyabr aylarında armatur istehsalı 7% azalıb.
“Baku Steel Company” MMC Azərbaycanda əsas armatur istehsalçısı və ixracatçısıdır.
“Sumqayit Texnologiyalar Parki” MMC də istehsalat gücünə malikdir. Hər iki şirkət istehsalatın və satışın real həcmini açıqlamır.
2014-cü ilin noyabrında “Baku Steel Company” bütün nomenklatura üzrə məhsulların qiymətinin 18% azaldığını bildirib. Yarımfabrikat, tikinti armaturu, günyə, şvellerin qiyməti 1 tona görə 720 manatdan 590 manata ($719) enib. Sonradan qiymətlər yenidən 630 manatadək artıb.
BSC satış şöbəsindən Turan-a bildirilib ki, iki ay öncə qiymətlər yenidən əvvəlki səviyyəyə enib - 590 manat ($620).
Dövlət Gömrük Komitəsinin məlumatına görə, bu ilin 9 ayında Azərbaycana 212,5 min ton tikinti armaturu idxal edilib (digər metalprokat nəzərə alınmadan). Bu 2014-cü ilin müvafiq dövrü ilə müqayisədə 54,7% çoxdur. İdxal edilən armaturun bir tonu yerli gömrükdə $451,3-a sənədləşdirilib ki, bu da 2014-cü ilin uyğun dövründə olduğundan $96 azdır.
Üç kvartal ərzində Azərbaycan 3234 ton (bir tona görə orta hesabla $438,4) ixrac edib.
Qeyd edək ki, bu müddətdə Azərbaycandan 30,2 min ton polad yarımfabrikat daşınıb ki, bu da Azərbaycan gömrüyündə 276,5$/t sənədləşdirilib. Halbuki, ötən il bu malın bəyan edilmiş orta qiyməti $454,8 olub. 08B
İqtisadiyyat
-
Azərbaycanın ümumi daxili məhsulu (ÜDM) 2024-cü ildə 126,3 milyard manat təşkil edərək, əvvəlki illə müqayisədə 3 milyard manat və ya 2,4% artım göstərib. Bu barədə məlumat Dövlət Statistika Komitəsi tərəfindən açıqlanıb. 2023-cü ildə nominal ÜDM 123 milyard manat səviyyəsində idi.
-
Dövlət Statistika Komitəsinin son məlumatlarına görə, 2024-cü il dekabrın 1-nə olan vəziyyətə əsasən, Azərbaycanda muzdlu işçilərin ümumi sayı 1,775 milyon nəfər təşkil edib ki, bunun 884,400 nəfəri dövlət sektorunda, 890,900 nəfəri isə qeyri-dövlət sektorunda çalışır. Bu göstərici yeddi il əvvəl hökumətin qarşıya qoyduğu iddialı hədəflərdən xeyli aşağıdır və xüsusilə gənclər arasında məşğulluq imkanları ilə bağlı narahatlıqları artırır.
-
Azərbaycan Respublikasının hüquqi və fiziki şəxsləri 2024-cü ilin yanvar-noyabr aylarında dünyanın 176 ölkəsindəki tərəfdaşlarla ticarət əməliyyatları həyata keçirib, 120 ölkəyə məhsul ixrac edib, 167 ölkədən isə idxal edib. Bu barədə Dövlət Gömrük Komitəsi məlumat yayıb.
-
Pərakəndə ticarət dövriyyəsi 2024-cü ildə real ifadədə 3,9% artaraq 62,2 milyard manata çatıb, Dövlət Statistika Komitəsinin məlumatı göstərir. Ərzaq məhsulları, içkilər və tütün məmulatları 34,1 milyard manat, qeyri-ərzaq malları isə ümumi məbləğin 28,1 milyard manatını təşkil edib.
Rəy yaz